أحمد موسى: إثيوبيا تستخدم قضية السد سياسيا.. وبني للضغط على مصر
أكد الإعلامي أحمد موسى؛ أن إثيوبيا تستخدم قضية السد سياسيا مشيرا إلى أن كل إجراءاتها حول الملء طوال السنوات الماضية تمت بشكل غير شرعي.
وقال موسى خلال برنامج "على مسؤوليتي" المذاع على قناة "صدى البلد": "لنا حقوق واللي إثيوبيا بتعمله واللي عملته إجراءات مخالفة للقانون بدون اتفاق مع مصر والسودان ولكن كرم ربك فوق الجميع؛ الكرم الكبير ما شاء الله غصب عنه في إثيوبيا سد الخراب دة".
وأضاف: "بيقولك عندي توربينات وبعمل كهربا ولا حد شاف كهربا ولا حاجة ولازم يفتح التوربينات عشان الماية تيجي؛ بيقولك توربينات وأشغل كهربا؛ لا عنده كهربا ولا شبكات نقل ولا أي حاجة؛ هو عمل الموضوع سياسي واستخدم السد استخدام سياسي مش هيفيده في حاجة خالص".
وتابع: "كان استفاد السنين اللي فاتت؛ موراناش وصل كهربا لكام بيت؟ ولا بيت وصله أمبير كهربا مشفناش؛ عمل السد عشان يضغط على مصر؛ استخدام سياسي بالمناسبة يعني".
وأوضح: "مفيض توشكي فيه ماية لم تحدث من 20-30 سنة؛ محصلتش قبل كدة سبحان الله يعمل السد عشان يمنع ايه تاني؟ وزي ما بقولك حتى هذه اللحظة اللي بيحصل هناك عندهم مشكلة مش عارف الراجل بتاع إثيوبيا دة اللي بنخرب في الدول اللي حوليه وأنا بعني الكلام اللي بقوله".
وأكمل: "هو عايز يصدر عنده أزمات داخلية مش هتخلص وسيبك من الاتفاق اللي اتعمل كل دي حاجات هشة؛ كان مفروض يخلص القصة بتاعته دي السنتين اللي فاتوا ولغاية النهاردة مش عارف يعمل أي حاجة بس احنا لنا حقوق؛ مصر لها حقوق وتستخدم أدواتها زي ما تحدث السيد وزير الخارجية واحنا دائما بنحافظ على حقوقنا واسمعوا سيادة الرئيس لما قال بدل المرة عشرين مفيش نقطة ماية حد فيكم تأثر بحاجة؟ حصل مشكلة عند حد؟ ومش هيحصل بفضل الله".
واختتم: "عندك قائد قال وبالمناسبة اللي بيقوله بيعمله؛ قالك مصر تحذر من أي تدخل خارجي في السودان؛ حد تدخل؟ مين اللي قال كدة؟ مصر اللي قالت من أول لحظة؛ دا كان خط أحمر وتحذير العالم سمعه وعارفين مصر لما بتقول حاجة بتعملها".
