أحمد موسى: "مش حاجتنا بالرخيص ومحدش هيجبر الدولة تعمل حاجة مش عايزاها"
أكد الإعلامي أحمد موسى أن الظروف الاقتصادية الصعبة التي تعاني منها البلاد في الوقت الحالي لا تساوي شيء بالمقارنة مع الدول المجاورة وما يحدث فيها من مشكلات.
وقال موسى خلال برنامج "على مسؤوليتي" المذاع على قناة "صدى البلد": "الدكتور مصطفى مدبولي كان في جولة النهاردة في مدينة العبور في بعض التقارير طالعة بكلام سلبي عن مصر منها بلومبرج عاملة أول أمبارح تقرير سلبي جدا".
وأضاف: "وكالة بلومبرج واحدة من أهم الوكالات الاقتصادية في العالم عاملة تقرير سلبي بتتكلم فيه أن احنا بلد مش هنعرف نسدد اللي علينا وقايلة تقرير سلبي جدا ودا اللي محصلش؛ ومش هيحصل النهاردة ولا بكرة؛ مصر متأخرتش عن تسديد اللي عليها ولا النهاردة ولا بكرة".
وتابع: "الوضع صعب أه ولازم نبقى عارفين كدة ولكن تاني الصعب جدا دة ما يسوى شيء من اللي جنبك ولا حاجة؛ ياراجل كفاية بتروح بيتك وبتلاقي الأكل بتاعك؛ غالي جدا بتلاقيه كفاية بتنام في بيتك وأنت مستريح؛ الأوضاع رهيبة ولكن هو بيضغط عليك وكله مرتبط ببعضه".
وأكمل: "بيضغط عليك اقتصاديا وماليا وفي كل حاجة؛ مهو معرفش فيمكن ولكن في شعب عظيم؛ الدكتور مصطفى مدبولي عمل تصريحات مهمة واتكلم فيها عن هو احنا مش هنسدد اللي علينا؟".
وأوضح: "دوروا على بلدكم وفي ناس عايزة تخرب عايزة بكرة البلد دي متبقاش موجودة؛ متجروش ورا اللي عايزين تريند؛ خلوا بالكم قعدوا يروجوا بردو بلومبرج وغيرها ويقولك الدولة والحكومة فشلت في الاطروحات؛ الدولة مبتقولش كلام وخلاص ومفيش حد يجبر الدولة أنها تعمل حاجة وهي مش عايزاها".
وواصل: "مفيش حد هيجبر مصر تعمل حاجة وهي مش عايزاها؛ رئيس الدولة اللي يعنيه هذا الشعب ومعندوش أولوية غير الشعب بالمناسبة؛ عندنا مشاكل أه وقالك أطروحات هي فين الأطروحات ورئيس الوزراء أجاب".
واختتم: "شركات الجيش شركتين وطنية وصافي؛ ومن ضمن تصريحات رئيس الوزراء قال 10 شركات كمان تابعين لجهاز الخدمة الوطنية بيتجهزوا دلوقت؛ شركات اللي هي أول ما ينطرح أسمها يقولك تعالي؛ احنا في الأجهزة عايزين أعلى سعر أحنا مش هنبيع حاجتنا بالرخيص أبدا؛ دي أصول الدولة المصرية مش هنرميها ولازم تجيب أعلى سعر تستحقه".
