عمرو أديب: "الناس بتتاجر في العملة من خلال الدهب"
انتقد الإعلامي عمرو أديب؛ الارتفاع غير المبرر في أسعار الذهب مشيرا إلى أنه تحول إلى عمله وأصبح بديلا عن التجارة في العملة الأجنبية.
وقال أديب خلال برنامج "الحكاية" المذاع على قناة "أم بي سي مصر": "كنا بنقول الناس بتسعر الحاجات طبقا للسوق السوداء؛ وفجأة لقينا ناس بتسعر السلعة أكتر من السوق السوداء؛ هو أحيانا بيسعر الحاجات أكتر من الـ36 ".
وأضاف: "دلوقت لقينا حاجات كتير بتزيد مش على سعر 36 هما دلوقت بيسعروا على السعر اللي عما حاسين أنه هيبقي كدة وطبعا مصر لها خصوصيتها؛ رضينا بالسوق السوداء والسوق السوداء مرضتش بينا".
وتابع: "من بين الحاجات دي سعر الدهب؛ سعر الجنيه الدهب وصل إلى 22 جنيه؛ أسعار تاريخية في الدهب وبقينا في موضوع الدهب دة زي العملة؛ الدهب تحول إلى عملة مش صاغة أو ادخار أو استثمار وهو يتحول إلى عملة؛ الخطر كل الخطر أن الناس اللي بتجري ورا هذا الأمر يجي السعر ينزل فيبقى عندك مشكلة غير طبيعية؛ أحنا ملمسين الـ 2000 دولار في سعر السبيكة برة ولكن هو دة سعر السبيكة برة؟".
وواصل: "انتوا بتسعروا بكام؟ هل الدولة محتاجة تتدخل في هذا الامر؟ الدهب بيجر معاه العملة وبيجر معاه الدولار؛ الأسعار دي طبيعية؟ دا مش زي العمل دا طبيعي ورسمي أدخل اشتري الجنيه بـ22 ألف؛ الناس بتتاجر في العملة من خلال الدهب في واقع الأمر".
وأكمل: "ناس كتير دلوقت بتشتري دولار بسعره اللي جاي أو هما يتوقعوا أن دة سعره اللي جاي؛ الذهب تحول من سلعة إلى أداة مضاربة".
وأوضح: "الناس مسعرة على كام؟ أسال أي حد أنت مسعر على كام أي سلعة طيب ليه بيعملوا كدة؟ واحنا اللي بنتبهدل؛ والدولة هنا يجب أن يكون عندها أليات لأن الموضوع بيأثر على الدولار في النهاية واحنا دولة بتحاول أنها تخرج من الأزمة ودي أزمة دولارية".
وارتفعت أسعار الذهب إلى أسعار قياسية خلال الفترة الماضية مدعوما بموجة كبيرة من الشراء في ظل حالة عدم الاستقرار في قيمة الجنيه المصري والتوقعات بخفض جديد في قيمته.
