الحضري يوجه رسالة إلى ميدو: "اصلح نفسك الأول"
أكد عصام الحضري، مدرب حراس المنتخب الأوليمبي السابق، أن البرتغالي مانويل جوزيه المدير الفني السابق للنادي الأهلي كان السبب في اعتزاله كرة القدم.
وقال الحضري خلال مقابلة مع برنامج "حبر سري" المذاع على قناة "القاهرة والناس": "مانويل جوزيه كان السبب في اعتزالي؛ كنا في لقاءات أنا وهو ومستر كوبر كنا قاعدين في اجتماعات وهما بيتكلموا وأنا قاعد بسمع من المترجم الكابتن محمود فايز".
وأضاف: "الحضري قالي أنت بتلعب كورة لسه ليه؟ أنت عملت كل حاجة في كرة القدم؛ كأس العالم لعبت وعملت تاريخ بطولات بتلعب كرة ليه؟ كفاية كدة بعدها بأسبوعين بالظبط اعتزلت؛ النصيحة جات في الوقت المناسب لأن السنين الأخيرة في الكورة الدوري المصري مش هو دة اللي متعودين عليه".
ورد الحضري على تصريحات أحمد حسام "ميدو" نجم المنتخب الوطني السابق والتي أشار فيها إلى هاني أبو ريدة وأحمد مجاهد يقومان بتحريك الحضري وأنه يعد أحد تابعيهم.
وتابع: "أول شيء مينفعش أرد أصلا على ميدو قبل ما يديني نصيحة يديها لنفسه هو مش عارف هو عايز ايه عايز يبقي اعلامي أو عايز يبقي مدرب".
وواصل: "الكلام اللي بيقوله عاري من الصحة؛ كنت أتمنى قبل ما يصلح في غيره يصلح نفسه الأول احنا مشكلتنا في بلدنا أن كل واحد شايف نفسه حاجة كبيرة؛ كنت أتمنى لما يطلع يتكلم عن الحضري يبقي عارف بيتكلم عن مين؛ أصلح نفسك أنت الأول ملكش دعوة بعصام الحضري؛ عصام الحضري أسطورة فاهم ولا مش فاهم؟".
وكان ميدو قد هاجم قرار عصام الحضري بالرحيل المفاجئ عن تدريب المنتخب الأوليمبي من أجل تدريب حراس المنتخب السوري قائلا: "الحضري خسر كثيرا بقرار رحيله عن المنتخب؛ اتحاد الكرة قرر عدم التعامل مع الحضري وهو قرار عميق؛ وقد يعود للعمل في المنتخبات إذا عاد من يشغلوه خارج مصر لإدارة الكرة في مصر؛ من يشغلوه خارج مصر هم هاني أبو ريدة وأحمد مجاهد".
واختتم ميدو: "الحضري تابع لهاني أبو ريدة وأحمد مجاهد وهم من أخبروه بالرحيل عن المنتخب الأوليمبي وضموه للعمل مع كوبر في منتخب سوريا".
