المنتج محمد مختار يرد على اتهامات رانيا يوسف بعدم الإنفاق على ابنتيه

أكد المنتج محمد مختار؛ أن زوجته السابقة الفنانة رانيا يوسف اعتادت الحديث في الإعلام عنه واتهامه بعدم الانفاق على ابنتيه مخالفة بذلك الاتفاقات الموقعة بينهما في هذا الشأن.

وقال مختار في مقابلة مع برنامج "حبر سري" المذاع على قناة "القاهرة والناس": "لو حد أخل ببنود العقد المفروض بيترفع قضية؛ وأنا اتكلمت في حدود الرد ومعرفش بعد كدة في أية وأنا لا أتمنى أني أرفع قضية؛ هي اتكلمت في برامج تانية في أماكن تانية".

وأضاف: "عيب يطلع من اعلاميين كلام بالطريقة دي والخصوصيات والأسرار دي؛ هنلوم الطرفين مش الإعلاميين بس؛ أنا دفعت كل مصاريف الدراسة بتاعتهم لغاية ما يخلصوا الجامعة وأنا اديتها كل حاجة؛ هي خاتمة وبصمة على العقود وأنا دفعت كل حاجة بحكم المحكمة".

وتابع: "كنت بدفع ألفات كتير؛ ولادي كانوا في مدارس انترناشونال وأنا كنت بدفع المصاريف بالمحكمة وهي راحت نقلتهم لمدرسة أغلى الدوبل وبالمحكمة خدت الفلوس تاني؛ دفعت لغاية انتهاء الجامعة وبعد الجامعة يحلها الحلال ولو مشتغلوش هصرف عليهم؛ أنا عارف أن بنتي الكبيرة بتشتغل وعندها بيزنس".

وواصل: "بصرف عليهم أكل بس 15 ألف جنيه؛ إيداع في البنك والمحامي بتاعها قالي حطلنا الفلوس في الحساب دة وكل دة كنت دافعه قبل كدة؛ هما قاعدين مع والدتهم في الفيلا بتاعتها؛ البنات هما اللي اتظلموا في الخلافات دي".

وأوضح: "أنا حزين أني بعمل كدة ودا ميصحش عشان أي حاجة بس هي أضطرتني كفاية اللي عملته طول الأربع أو خمس سنين وقبل كدة كانت بتقول محمد مختار مفيش زيه وبعد ما أتجوزت قلبت شخصية تانية أنا مبردش ولكن ليا ناس محبين عملولها فيلم صغير وقالوا نصدق مين كلامك هناك والا هنا؟".

وأكمل: "أنا مش هعمل كدة تاني ومش هرد تاني تقول زي ما تقول؛ أنا جيت عشان أبرأ ذمة نادية الجندي من الكلام اللي اتقال عليها وإنها بتهدي النفوس؛ عيب الكلام دة".

وكانت الفنانة رانيا يوسف قد أشارت في أكثر من مناسبة أن زوجها السابق محمد مختار كان يرفض الانفاق على ابنتيه بعد طلاقهما.