محمد الباز يهاجم عمرو أديب: "لو عندي نفس الإمكانيات هقعده في البيت"

كشف الإعلامي محمد الباز؛ عن سر هجومه على الإعلامي عمرو أديب؛ مشيرا إلى أنه لا يشعر بالغيرة من نجاحه وأن أديب يعمل في برامج التوك شو منذ 30 عام.

وقال الباز خلال استضافته ببرنامج "العرافة" المذاع على قناة "النهار": "مينفعش أغير من نجاحه لأنه بالعمر والمقارنة كدة هو بيقدم توك شو من 30 سنة وهو أفضل بحكم السر على الأقل؛ العمر في الشغلانة هو بقاله 30 سنة بيشتغل وعمل موضوعات وكون جمهور أكتر؛ أنا في التوك شو بقالي 5 سنين أو 6 سنين".

وأضاف: "في معايير بالمقارنة هو بيشتغل بقاله قد ايه وأنا بشتغل بقالي قد ايه هو بيشتغل بامكانيات قد ايه وأنا بشتغل بامكانيات قد اية ولو الإمكانيات اتوفرت ليا هقعده في البيت".

وتابع: "الجامعة والصحافة غير التلفزيون؛ يعني أنا ليا تأثير في الصحافة والشغلانة دي بتيجي بالتركم وكل يوم بتقدم بينضاف ليك جمهور؛ أنا هاجمت عمرو أديب أكتر من مرة وأنا قلت أنه مشروع شخصي لا يخدم ألا نفسه؛ تنقل الولاءات طول الوقت هو ولائه بنفسه بشكل واضح".

وأكمل: "لما يبقي ولائك للجمهور بيبقي طول الوقت عينك عليه وهو عينه على ما يصنع له جماهيرية وشعبية ودا بيترجم في ثروة ودخل؛ أنا مبتكلمش بلسان الناس طول الوقت أنا مبقولش ألا أنا مقتنع بيه؛ هو ميقدرش يرد عليا".

وواصل: "اعتقد أن دي منطقة هو صعب يدخل عليها لأن أنا في النهاية بعمل توصيفات واضحة ومبشرشحش؛ 

وعن تصريحات الإعلامي تامر أمين حول أنه المذيع رقم اتنين في مصر بعد عمرو أديب قال الباز: "مسألة ترتيب مذيعين التوك شو دي أكذوبة؛ أنا اخر واحد".

وأوضح: "اللي بيقول أنا رقم كام المفروض يبقي عنده معايير واضحة لرقم كام؛ تامر حبيبي وبنقسم الكرسي طول الأسبوع هو شايف أنه رقم اتنين هنيئا له؛ أنا شايف أن تامر ممكن يبقي أنجح مقدم برامج رياضية في مصر".

واختتم: "تامر أمين مش رقم اتنين خالص في برامج التوك شو؛ لو بنتكلم عن برامج التوك شو الشعبية؛ أنا شايف أن أحمد موسي رقم واحد".