تفاصيل زيارة الرئيس السيسي لقسم أول مدينة نصر
علق الإعلامي أحمد موسى؛ على زيارة الرئيس عبد الفتاح السيسي، لقسم أول مدينة نصر وتناوله طعام الإفطار مع الضباط والأفراد الموجودين في القسم.
وقال موسى خلال برنامج "على مسؤوليتي" المذاع على قناة "صدى البلد": "الرئيس النهارده الفطار فين؛ قسم أول مدينة نصر؛ ضباط القسم وهما قاعدين لقوا عربيتين تلاتة وقفوا قدام قسم أول مدينة نصر بنشوف ضباط القسم واقفين وسيادة الرئيس دخل في الأول".
وأضاف: "الرئيس قعد مع ضابطة حقوق الانسان وشرحت دورها ايه في القسم وضباط القسم ودا بنتكلم عن إفطار اليوم؛ دخل الرئيس قسم مدينة نصر وشاف مكان البلاغات والغرف وفي مواطن رايح بيقدم بلاغ لقى الرئيس هناك".
وتابع: "الرئيس لقى مواطن بيقدم بلاغ وقاله عربيتي اتكسرت وراح يعمل بلاغ عشان يحفظ حقه في التأمين يعني وبعدين الرئيس تناول الإفطار وسأل على وجبات الإفطار".
وواصل: "الفطار ده لمين؟ سأل على الإفطار للضباط والنزلاء لأن في ناس محبوسين على ذمة قضايا والرئيس كان حريص على أنه يشوف وجبات الرئيس والرئيس فطر مع الضباط والافراد وحتى المواطن اللي كان بيقدم بلاغ والرئيس حتى قالهم كل واحد يقولي نصيحة".
وأوضح: "وقالهم أنا عايز أسمع منكم ولكن فطار بسيط جدا ومش عاملين حاجة مخصوص أو جايبين حاجات منين.. دي وجبة الإفطار الموجودة اللي الرئيس والضباط والنزلاء في الحجز بياكلوا منها.. الوجبات واحدة والرئيس معملوش وجبات مخصوص معاهم".
وذكر: "الإفطار بسيط علبة عصير وحاجة حلوة وزجاجة مياه والرئيس قالهم خلونا نفطر مع بعض.. وبعد الإفطار لقينا أول صور وبعد كده فيديو.. لو كان في ترتيبات كنت هتلاقي وزير الداخلية أو مدير أمن القاهرة.. الرئيس راح قسم مدينة نصر عشان يشوف لحظة الإفطار".
وكان الرئيس عبد الفتاح السيسي قد تفقد قسم أول مدينة نصر في زيارة مفاجأة قبل الإفطار بدقائق وأدار حوارا مع الضباط والافراد الموجودين هناك بالإضافة لأحد المواطنين الذي كان متواجدا بالمصادفة.
وحرص الرئيس عبد الفتاح السيسي على الاطلاع على أحدث النظم الإلكترونية التي يتم استخدامها داخل القسم، وخاصة نظام العرض الإلكتروني على النيابة العامة من داخل قسم شرطة مدينة نصر.
