علا غانم عن خلافها مع زوجها: "قالي أخرك رصاصة وهددني بماية النار"

كشفت الفنانة علا غانم، عن مطاردة زوجها لها خلال الفترة الماضية على الرغم من اعتدائه عليها وطردها من منزلها والاعتداء على والدتها.

وقالت غانم في مقابلة مع برنامج "العرافة" المذاع على قناة "النهار": "لغاية يومنا بعد كل ده بيبعتلي أغاني حب وأغاني غريبة؛ أنا مبسمعش الأغاني الحمد لله".

وأضافت: "أنا جدة وحفيدي عنده 3 سنين دلوقت واسمه زين؛ واعتقد أن فكرة الجواز أبعد ما يكون عن دماغي دلوقتي؛ ومش عايزة أتكلم في الحاجات دي لأنها سرية جدا؛ أنا كنت بهرب عشان محدش يأذيني؛ أنا اتقالي أخرك رصاصة بعشرة جنيه أو شوية ماية نار بعشرة جنيه".

وتابعت: "أنا الست القوية لما بيقابلها راجل معندهوش ثقة في نفسه بتبقي الحكاية مش علاقة ولكن منافسة والمنافسة بيلجأ ليها الراجل لأنه حاسس أنها أقوى والمنافسة دي بتقوده أنه يعمل حاجات كتير عشان يحسسها أنها ضعيفة".

وأكملت: "الست القوية مبتخليش الإحساس ده يسيطر عليها كتير؛ أنا مش قوية ولكن أنا ست عارفة بعمل أيه كويس وخطواتي محسومة ومنظمة بخططي مبعرفش اشتغل إلا لما أكون عارفة بعمل ايه؛ أنا بجري بسرعة وهما بيجروا ورايا".

وواصلت: "أنا مبخافش وجبت شغالين رجالة بدل الستات؛ أنا ست مش موجودة في بيتي طول الوقت وإزاي أسيب شغالين ستات في البيت".

وأوضحت: "أنا بتعرض لبلطجة اطردت من بيتي؛ أنا من كتر ما شفت حاجات كتير معاه خلتني بقيت قوية ولكن عنصر المفاجأة ربكني شوية ولكن بعد كده أنا حاطة النقط على الحروف كويس أوي ومنظمة؛ مفيش حد جالي من الزملاء ولكن انا كنت في حالة سرية كاملة ومحدش كان عارف أنا فين ولما رحت المستشفى محدش كان عارف رحت مستشفى ايه".

واختتمت: "نقيب المهم التمثيلية هو اللي كان عارف بس أنا كنت فين؛ وجه وزارني واطمن عليا وأنا طلبت منه أن الموضوع يفضل سري وهو احترم ده؛ أنا مسمعتش كلام لوسي لما قالتلي سيبي الراجل ده ومسمعتش كلام أمي كمان ولا كلام انتصار كمان".