عمرو أديب يعلق على مائدة أفطار المطرية: "الناس بتساعد بعضها"

علق الإعلامي عمرو أديب، على مائدة إفطار المطرية والتي أقيمت الخميس الماضي بحضور آلاف الأشخاص والتي شارك فيها ضيفا السفير الكوري الجنوبي بالقاهرة.

وقال أديب في مداخلة هاتفية مع برنامج "الحكاية" المذاع على قناة "أم بي سي مصر": "دائما كنت بقولكم إن البلد دي بتعرف تاخد بالها من بعضها ويوم ما قلت الكلام دة ناس كتير اتريقوا، مفيش حد عايز يفطر مش هيفطر ومفيش حد عايز يتسحر مش هيتسحر في مصر الكلام ده مستحيل".

وأضاف: "بنتكلم عن حاجة عمرها آلاف السنين، أه في فقر وفي ارتفاع في الأسعار لكن البلد دي كل يوم بتثبت لك أن احنا مبنسبش بعض وملناش دعوة لا بحكومة ولا بأي، اللي حصل في الإفطار الجماعي بالمطرية يوريك البلد دي عاملة ازاي".

وتابع: "دي سنة الازمة؛ هات حد كدة بطيارة من فوق وقوله دي سنة الازمة؛ طبعا في أزمة ولكن دي ناس بتقف جنب بعضها وناس بتساعد بعضها وتطلع من جيبها ومتقلقش أنت مش لوحدك؛ وطبعا يا سادة كالعادة الناس اللي مضايقها المظهر دة وحزب تكسير المجاديف ودا لا أخوان ولا حاجة في مصريين غاويين وهما قاعدين كدة أي حاجة يكسروا مجاديفك".

وأكمل: "من أول بيقولك دا ذكوري الستات فين؛ مين اللي جاب الأكل دة؟ دا وقته يا جماعة؟ أنتوا عايزين ايه؟ هو في أكتر من كدة تكافل وأمن؛ السفير الكوري الجنوبي جه قعد في المطرية وكان بيفطر؛ وهما أهل المنطقة والراجل مبيشوفش الكلام دة في أي حته في الدنيا؛ 5 ألاف واحد قاعدين على طرابيزة".

وواصل: "حاجة حلوة وجميلة وشيء مشرف انما بقا ناس تقولك ايه؛ الاكل دة جه منين؛ الناس جابت أكلها معاها وفي تجار المنطقة جابوا ماية وبتاع كل سنة وانت طيب وسع للناس دول مصريين بيفطروا".

وذكر: "النهاردة وقت الفطار تلاقي اللي بيخبط على الازاز خد ماية خد تمر خد سندوتش؛ أنا وأقفلت في الإشارة عشان لو محتاج بوق ماية؛ تعالي ياعم حط أحلي أكل ونطلع فلوس والناس تنبسط والغلابة ياكلوا ونحسسهم أن البلد مش ناسية حد".

واختتم: "الرمزية تشرف وترفع راسك وتنبسط أكيد سعداء باللي هما عملوه؛ حاجة جميلة ليه لا؛ وفعلا رمضان في مصر حاجة تانية غير أي بلد في الدنيا