علا غانم تكشف تفاصيل الاعتداء عليها من زوجها السابق وطردها خارج منزلها

كشفت الفنانة علا غانم تفاصيل الاعتداء عليها في منزلها من زوجها السابق وطردها مع والدتها إلى خارج المنزل بالقوة.

وقالت غانم في مقابلة مع برنامج "العرافة" المذاع على قناة "النهار": "أنا بيتي سلب مني وأضربنا بالشباشب مجازا يعني؛ وأنا طردت من بيتي وبداية الموضوع لأن تاني يوم كان يوم قضية الخلع بتاعتي اللي هيتنطق فيها بالحكم".

وأضافت: "جه هو والشلة بتاعته أصحابه ومعاهم خمس أو ست ستات؛ وجه الغفراء بتوعي بيقولولي في ناس برة شكلهم غريب وبيقولوا أن هما تبعك".

وتابعت: "لقيت جنب البوابة ناس كتير معرفهمش وستات وكله بيزق الباب وافتحي يا مدام عندنا حفلة عندنا تنضيف وفجأة كدة من لا شيء طلعلي واحد أعرفه واللي كانت مأجر المحطة من اللي كنت متجوزاه ولقيته بيكلمي بشكل مختلف؛ كان على طول بيقلي يا مدام علا أو ياعلا هانم ولقيته بيقلي أيه يا علا وبيحاولوا يكسروا البوابة".

وأكملت: "كانوا مستنين البوابة تتفح عشان كله يدخل؛ وأنا كنت جوة البيت وأمي بردو وأخويا وولادي كانوا بيطلبوا البوليس من بيوتهم؛ كانوا بيمسكوني ويحدفوني زي الكرة ودي طريقة التعامل معايا ولما البوابة اتفتحت الستات دي بقت تهجم عليا بأجسامهم".

وواصلت: "شيء كان زي رية وسكينة وأبشع؛ المهم طلعت برة بيتي؛ ووالدتي انضربت بالشومة في رجليها ودراعها ومكانش يقدر يعمل أكتر من كدة عشان كان هيروح في 60 مصيبة والموضوع كله خد سبع أو تمن دقائق وكان كل شيء اتعمل؛ دي في أر الكاميرات اتسرق وموبايلاتي اتسرقت واطردت برة البيت وبعد عشر دقائق أو ربع ساعة فين الناس؟ مفيش ناس".

وأكملت: "دول جم ليه؟ أنا اقتحمت عليهم أيه؟ أنا مطرودة برة هو أنا اقتحمت وطردت نفسي؟ كل الناس اللي كانت موجودة طلعوا برة البيت والبيت عندي في أرض 2 فدان والسور 2 متر؛ أنا جالي شبه ارتجاج في المخ وشرخ في الضلوع اليمني ولما ضغط على الرئة حصل فيها بعد 15 يوم نزيف".

واختتمت: "اكتشفوا الماية الموجودة في الرئة قرروا يعملوا تدخل جراحي ودخلوني الجراحة وعملوا العملية وكانوا شايقين على الأشعة لتر وربع سائل في الرئة اليمني ولكن خرجوا لتر ونص".