محمد فؤاد يهاجم "هنيدي": "اتقي الله يا راجل.. ده أنا كنت بكتب لك إيفيهاتك"
أكد الفنان محمد فؤاد؛ أنه لم يهاجم الفنان محمد هنيدي، مشيرا إلى أنه لا يشعر بالغيرة من أحد وأنه ضمه إلى طاقم فيلم “إسماعيلية رايح جاي” لأنه يحبه.
وقال فؤاد في مقابلة مع برنامج "العرافة" المذاع على قناة "النهار": "أنا مبغيرش من حد ومتوجدش اللي أغير منه؛ أغير من هنيدي ازاي وأجيبه معايا في فيلم؛ أنا بعد (إسماعيلية رايح جاي) قعدت 5 سنين معملش أفلام".
وأضاف: "اللي بيغير من أصحابه يبقي عنده نقص؛ أتسوق أن محمد فؤاد بيغير من هنيدي مقدرش أهاجم هنيدي أهاجمه ازاي؟ أنا مقلتش كدة؛ الحوار كان أنا كرهت اسماعلية راح جاي لأنه خلق حالة من الكره في الساحة كلها ولقيت في حروب نجوم ومين ينتجوله ويقعدوه في البيت".
وتابع: "وأنا بعمل اسماعيلية كنت بلم أصحابي وافتح السينما لينا كلنا؛ كان في ناس مش عايزانا ننجح تاني؛ مش شرط هنيدي يعيد التجربة لو ربنا كتب طريق لهنيدي يبقي متفرد بيه وأي حد وصل لهنيدي أني بغير منه يبقي عبيط؛ أنا هجيبك معايا في فيلم ازاي؟ أنا اللي كاتب الفيلم".
وأوضح: "أنا اللي كاتب الفيلم وكاتب الإيفيهات ومعايا أحمد البيه في اللي كتبته وفي اللي محمد هنيدي قالوا وأنا كتبته عشان يقوله تطلع في الاخر تسوق على أن أنا أغير منك يا هنيدي؟ عيب متسوقش لدة يا أخي اتقي الله متسوقش لده يا اخي ماتنجح هو أنا جايبك فيلم معايا عشان تفشل؟".
وواصل: "أنا جايبك عشان ليا الشرف أنك تنجح وتعمل فيلم بطولة لوحدك؟ هل يعقل اللي يعمل دة يبقي محتاج ده؟ والله والله وقسما برب العزة بحبك يا هنيدي ولو مش بحبك مكنتش جبتك معايا الفيلم وقسما بالله عمري ما أعرف أغير منك وأغير منك ليه؟ عندك ايه مش عندي؛ أنا راجل مطرب بس بحب السينما".
واختتم: "والله العظيم بشيل من كلامي لأن ميلقش بأن اللي بيغني يقول الضحك فبتطلع معايا بسخافة وكنت بغير الكلام واديه لهنيدي عشان يقوله؛ اسألي أحمد حلمي ورامز دول اشتغلوا نفس التجربة معايا وأساليهم محمد زعلك جوة الفيلم وبعد الفيلم".
