مصطفى كامل يوجه رسالة إلى رامز جلال: "أنا زعلان"

أكد مصطفى كامل؛ نقيب المهن الموسيقية أنه شارك في برنامج المقالب "رامز نيفر أيند" دون أن يعرف نوعية المقلب ولكنه كان على علم بأن البرنامج يقدمه البرنامج رامز جلال.

وقال كامل في مقابلة مع برنامج "حبر سري" المذاع على قناة "القاهرة والناس": "أنا معرفش المقلب؛ والله العظيم تلاتة معرفش المقلب أنا عارف أني رايح لرامز؛ أحنا اختلفنا كتير بعد التصوير لأكتر من 20 يوم وتدخل أحد أصدقائي وقال لي أنت صورت واتصابت والبرنامج أصبح معلب عندهم فحرام عليك اللي بتعمله دة".

وأضاف: "رامز كان له جوايا معزة شخصية بحبه جدا والوعود اللي أنا خدتها أنه مفيش حاجة دون المستوى هتحصل؛ وأن الحكاية مش أكتر من أن هنقعد نضحك".

وعن بيان الموسيقار منير الوسيمي والذي استنكر خلاله مشاركة كامل في البرنامج قال كامل: "مصطفى كامل أكثر من حافظ على النقابة؛ أنا رحت البرنامج شغل وقالوا دا هزار وضحك والمقلب وجعني؛ وقعدت مع محمد فؤاد بعدها وقلنا مش رامز اللي نصعد معاه".

وتابع: "اللي حصل فينا أوفر؛ أنا ومحمد فؤاد ومحمد رمضان كان أوفر وفي حاجات اترشت علينا ومحصلتش مع ناس تانية أنا جوايا حالة زعل كبيرة من رامز وشريفة معدة البرنامج؛ وبقالنا شهر أنا ومحمد فؤاد بنحاول نضحك؛ وبقول لرامز أنا زعلان منك أوي".

وأشار كامل إلى أن مطربي الأداء الصوتي "المهرجانات" يعرفون الطريق الذي يسيرون فيه مؤكدا أنها لا يمكن أن يقوم بغناء المهرجانات.

وأوضح: "لما بتقابل مع هاني شاكر طبعا بنسلم على بعض واتقابلنا مؤخرا في تونس وطبعا بنسلم على بعض ونضحك ولا يمكن نقطع في بعد".

وأكمل: "أنا عامل تاريخ محدش يقدر يعمله؛ مع عمرو دياب ومحمد منير ومحمد فؤاد؛ النصيب بتاع ربنا وأنا مش بحسب لأي حاجة ودائما ربنا موفقني الحمد لله".

وشارك الفنان مصطفى كامل في برنامج المقالب "رامز نفير أند" والذي يقدمه الفنان رامز جلال كل عام خلال شهر رمضان المبارك وهو البرنامج الذي يستهدف تعريض الضيوف لمواقف صعبة في إطار البرنامج ومشاهدة ردود أفعالهم.