محمد فؤاد يكشف تفاصيل مشاركته في برنامج رامز جلال: ممكن يتسبب في مصيبة
كشف الفنان محمد فؤاد؛ تفاصيل مشاركته في برنامج المقالب “رامز نيفر إيند"، مشيرا إلى أنه لم يكن على دراية بنوع المقلب الذي سيتعرض إليه.
وقال فؤاد في مقابلة مع برنامج "العرافة" المذاع على قناة "النهار": "والله العظيم ما كنت عارف أن هيتعمل كدة ومن نزلتي من العربية معرفش ايه اللي يحصل؛ الفخ معمول أن الضيف ميعرفش؛ أحنا عارفين أننا رايحين لرامز ولكن هتعمل ايه يارامز؟ دا مجنون ممكن يتسبب في مصيبة".
وأضاف: "أنا كنت عامل بحث وعرفت أن في بتاعه بتتشد وتتهز شوية وخلاص وقلت دا مش هيبقي جامد؛ أنا جبت الشركة اللي عاملة الشغل؛ حد من برة الشركة كان عنده المعلومة وقالي ونش بيشيل ايه وخلاص؛ وأنا قلت لسة قدامنا نص ساعة على ما يبتدي يظهر حاجة وأمسك في الكرسي كويس ولكن لقيت البتاعه اللي بتلف دي والله العظيم تلاتة معرفش عنها حاجة".
وتابع: "يمكن حد هما حطهولي عشان يقولي أن في ونش وبتاع ويطلع أي حاجة تانية؛ ممكن تعمل مقلب من غير ما تهين حد؛ ممكن تعمل مقلب ونقول فيه اللي انت عايزة ولكن لا تقول فيه كلمة مسيئة أو تتلفظ بأي شكل فيه إساءة؛ رامز المفروض يخلي باله على الكلام مع محمد فؤاد جدا وغير محمد فؤاد".
وواصل: "رامز لما جه اشتغل معايا في فيلم وريته كل شيء طيب؛ المقالب فيها هزار تقيل شوية ولكن أنا بتكلم على التعليق أنت يارامز بتزعل الناس منك".
وأوضح: "مينفعش تزعل الناس اللي بتحب محمد فؤاد؛ هما عارفين أني عامل عملية وعدت على خير ومفيش حاجة حصلت فيا والموضوع كان أوفر جدا".
وعن حديث طبيبه عن تأثير المقلب على الجراحة التي أجراها قال فؤاد: "الدكتور أسامة من حقه يخاف على مريض عنده ولكن انا طمنت الدكتور أسامة وقلتله أنا تمام جدا وقلت للدكتور مفيش حاجة ورامز لا يمكن يكون قاصد أذيه بالشكل دة".
واختتم: "دراعي كان هيتكسر من حاجة؛ حاطين اسفنج تحتيه خشب؛ أنا رحت لرامز وهروح تاني؛ الهجوم على رامز أنا مقبلوش أنا لقيت الناس سكاكين الدينا على الولد وكل واحد عمال بيشتم براحته في اللي خايف بجد وفي اللي بيكلم".
