حمو بيكا: "بغني في كباريهات ومبعملش حاجة حرام"

نفى مطرب المهرجانات حمو بيكا؛ ما تردد عن سهر الفنان مصطفى كامل؛ نقيب المهن الموسيقية في ملهي ليلي خلال أدائه فقرة فيه مشيرا إلى أن كامل كان يمر بشكل طبيعي وتوقف لمتابعة تطبيق قرارات النقابة.

وأوضح بيكا خلال مقابلة مع برنامج "العرافة" المذاع على قناة "النهار": "مش مهم أبقي أداء صوتي المهم أني باكل عيش؛ أنا شغال وشغلي موجود".

وأضاف: "محصلش أن نقيب المهن الموسيقية جه سهر في كباريه بغني فيه؛ هو كان بيمر وأنا كانت فرقتي شغالة بتعزف وياريت حد يعرض فيديو وفرقتي شغالة ورايا؛ أنا مكنتش بغني بفلاشة الفرقة شغالة بتعزف".

وتابع: "أنا بغني في كباريهات؛ أمال هنغني فين؟ ومبنعملوش حاجة حرام؛ أنا مسلم وموحد بالله ومحدش هيحاسبني غير ربنا ودا شغلي؛ أنا بقول ربنا يكرمني ويرزقي ولو دا كان شغل غلط مكان حد طلع ولا اتسمع أصلا يعني".

وعما تردد عن تراجع شعبيته بعد قرارات النقابة التي أدت إلى منحه بطاقات العضوية قال بيكا: "احنا كنا محتاجين دا من زمان وهو وجهنا للطريق الصح؛ في الأول مكنتش أعرف يعني ايه نقابة ومصنفات وكنت بغني أي حاجة".

وأكمل: "مش مهم الملايين طالما بيسمعني 200 ألف يبقي كويس وأنا بالنسبالي عادي؛ أحنا مقامنا هيفضل طول عمره عالي ولو أنا بغني كلام وحد مش هينفع تجبني فرح؛ وداع يا دنيا وداع فيهاش اسفاف وحب عمري كمان ومش احنا بس اللي بنغني 

وأوضح: "علمت ناس وناس طلعت وناس ظهرت؛ حسن شاكوش جالي وعمر كمال جالي وعنبة جالي وعصام صاصا جالي؛ أنا اسمي حمو بيكا وايه المشكلة أني أبقى أداء صوتي المهم باكل عيش".

وكان الفنان مصطفى كامل قد وضع شروطا لعمل مطربي المهرجانات مقابل حصولهم على تصريح للعمل بعد فترة طويلة من الخلافات بين النقابة وبين مطربي المهرجانات.

وكانت أهم شروط النقابة من أجل منحهم تصاريح للغناء هي العمل مع فرقة موسيقية مكونة من عازفين والابتعاد عن الكلمات المبتذلة التي لا تجيزها المصنفات وعدم اطلاق لفظ مهرجانات على نوع الغناء الذي يقدمونه.