نيلي كريم توضح حقيقة إنتاج جزء ثاني من "غبي منه فيه"
كشفت الفنانة نيلي كريم؛ حقيقة رفضها العمل مع الفنان هاني رمزي بعد أن عملا معا في عملين في السينما، مؤكدة أنها لا تمانع العمل مع رمزي وأنها عملت معه خلال فيلمين وأنها تعتبره صديق وفنان متميز.
وقالت كريم في مقابلة مع برنامج "حبر سري" المذاع على قناة "القاهرة والناس": "لو اتعرض عليا العمل مع هاني رمزي هوافق بالتأكيد هو فنان جميل وأنا بحبه وصديقي؛ واشتغلنا مع بعض فيلمين واللي معطلنا ورق حلو وسكريبت حلو".
وأضافت: "أنا عملت دور بطولة مع هاني رمزي وهنعمل دور بطولة مع بعض؛ ولما بيكون في ورق حلو ممكن يبقي في بطلين وتلاتة وأربعة وخمسه".
وتابعت: "انا بحب فيلم غبي منه فيه جدا وكنا بنتكلم أن نعمل فيلم تاني وهو سألني نعمله مع بعض وقلتله أيوة بس محتاجين ورق؛ لو في ورق حلو يجمعنا مع بعض يشرفني؛ هاني فنان كبير ومحترم وليه أعمال سينمائية كتير جدا".
وعن عملها مع الفنان أحمد عيد قالت كريم: "اللي بيتقال عن انعزال احمد عيد في العمل مش صحيح؛ أحمد عيد فنان ملتزم وموهوب وعامل دور رائع في عمله نادرة دور مسعود وأنا بحبه جدا وبحب أفلامه ودي أول مرة نشتغل مع بعض؛ شخصيته جميلة ودائما تلاقيه جاي قبل معاده".
وأوضحت: "كل الفنانين اللي اشتغلت معاهم دايما نطلع حبايب في الشغل؛ أنا شخصيا عمري ما اشتغلت عمل وكان في مشاكل بيننا وبين بعض؛ ساعات الاشاعات بتطلع عايزين حاجة كدة سخنة ومين اتخانق مع مين".
وعن كواليس تصوير مسلسل عملة نادرة والذي يذاع خلال شهر رمضان قالت كريم: "كواليس جميلة، وفكرة المسلسل كانت عن طريق الكاتب مدحت العدل، واتخضيت من دور صعيدية في المسلسل".
وأكملت: "أجواء العمل والتصوير كانت بتشجعني والدور كان بالنسبالي عالم أخر؛ عالم الصعيد فيه قصص وأساطير ومناظر طبيعية والمسلسل أتصور في الأقصر وأسوان".
وتقوم الفنانة نيلي كريم بدور امرأة صعيدية في مسلسل عملة نادرة ويشاركها البطولة الفنان السوري جمال سليمان ويعرض المسلسل حاليا على الفضائيات خلال شهر رمضان.
