ماجد المصري يوضح أسباب رفضه عمل ابنته في مجال الفن
كشف الفنان ماجد المصري؛ أسباب رفضه عمل ابنته في مجال الفن مشيرا إلى أن هذه المهنة تحتاج إلى مجهود كبير وأنه يشفق على ابنته حال دخولها هذا المجال.
وقال المصري في مقابلة مع برنامج "حبر سري" المذاع على قناة "القاهرة والناس": "الشغلانة بتاعتنا متعبة جدا وأنا بشفق على بنتي لو دخلت المجال واللي محدش يعرفه أنها وعمرها سنتين عملت عملية في القلب؛ أنا مش حابب تشقى والموضوع كله في التعب لا أكثر ولا أقل".
وأضافت: "بكيت من يوم ما كنت بكتب كتابها؛ البنت حبيبة باباها وبتسلمها لراجل بتقول يارب ييسرلهم حالهم ويكون في بينهم تفاهم ومودة ورحمة وكل شيء".
وتابعت: "الفن مش بيتقاس بالسن؛ واللي أنا لعبت وراه دور تاني وأنا أكبر منه أكيد دلوقت بياخد وقته ودة التطور الطبيعي للشغلانة بتاعتنا؛ وأنا موضوعي في الدور اللي أنا هلعبه".
وأكمل: "في رمضان الماضي كنت بعمل مسلسل توبة مع عمرو سعد؛ عملت 18 حلقة في المسلسل وبتصويت الجمهور أخدت جايرة أحسن ممثل؛ كنت ضيف شرف في صلاح معارك مع المخرج خالد يوسف ولحد النهاردة أحنا أسفين يا صلاح".
وأوضح: "الأدوار حصرتني في الشر شوية وكان لازم يكون في تنويع؛ ولكن من بداية مسلسل أدم مع المخرج محمد سامي وتامر حسني من هنا كان بداية شر مطلق وبشكل معين وبعدها لعبته في مسلسل مع سبق الإصرار كان شر وكل حاجة ولكن بشكل أخر وتوالت الأعمال من المنطقة دي".
وأكمل: "اختلفنا أنا والمخرج محمد سامي ومشتغلتش معاه بعد مسلسل مع سبق الإصرار؛ لأن مجاش الدور المناسب؛ كان في خلافات بسيطة وانتهت ولكن الدور بينادي صاحبة ودي أرزاق في الاخر؛ عملت مع محمد سامي أهم مسلسلين في بدايته وكسروا الدنيا ولو جالي دور مناسب معاه هشتغل طبعا؛ محصلش أن الدور اللي عمله".
وعما تردد عن استبعاده من مسلسل "البرنس": "قسما بالله أبدا؛ أنا ومحمد سامي كنا بنتكلم يوميا وهو قال أنا وماجد المصري كنا بنتكلم يوميا بعد الحلقة ويسال تتوقع ايه بكرة؟ منا بنلعب اللعبة دي يوميا ومحمد وقتها كانت علاقتنا زي الفل".
