عمرو أديب يرد على منتقدي مزايدات لوحات السيارات: "خليهم يدفعوا"
علق الإعلامي عمرو أديب؛ على الانتقادات الموجهة إلى بعض المزايدات على لوحات السيارات والتي تجريها وزارة الداخلية على أرقام السيارات المميزة.
وقال أديب خلال برنامج "الحكاية" المذاع على قناة "أم بي سي مصر": "الناس قالبة الدنيا على المواطنين اللي بيدفعوا فلوس في لوحات المرور؛ ايه دة مئات الألاف ملايين حرام عليكم ايه التفاهة دي؛ أنا مع الموضوع دة خلي الناس اللي عايزة تشتري أرقام مميزة تدفع فلوس الأرقام المميزة".
وأضاف: "هو عايز كدة يا أخي هو عايز يصرف فلوسه كدة؛ اللي معاه فلوس تحيره يجيب أرقام مميزة ويطيره يعمل اللي هو عايزه؛ هو ربنا مديلة وعايز يعمل كدة ما يجيب الرقم اللي بيعمله".
وتابع: "أنا مش واقف عند الأرقام بيتكلموا عن رقم بـ 50 مليون ورقم بـ 400 ألف؛ الرقم اللي بيتكلموا عليه م – ي – ر 555 مش مميز خالص وبيقولك في اتنين بيتنافسوا على اللوحة دي أنا مش مصدق موضوع الـ 50 مليون دول أنما لو بـ 500 أو 600 ألف خليهم يشتروا اللي هما عايزينه الفلوس دي تجيلنا ونحسن بيها الخدمات في مصر عايزين نحسن خدمات مرور أو تعليم أو صحة".
وواصل: "خليهم يدفعوا؛ دعه يكع دعه يمر؛ وأنت مالك؛ أنا معنديش أرقام مميزة وعمري ما أشتريت ومش عايز ارقام مميزة؛ في واحد بيشتري عربية وعايزلها رقم مميز؛ أغلب الأرقام الستات والوحايد أيا كان ايه السبب بتاعه".
وأوضح: "الكلام دة موجود في غالبية دول العالم عايز حاجة مميزة أدفع؛ أنا لا أقوله حرام ولا بلاش ولا ايه التفاهة دي هو حر؛ ناس تقوله اديها للفقرا؛ هو اداها للفقراء خلاص بتروح تحيا مصر بتروح تكافل وكرامة؛ كأنه ياسيدي أتبرع لينا بقرشين هو أخد الرقم وأحنا أخدنا الفلوس ظبطنا حياة الناس".
وأكمل: "سيبوا الناس منقعدش للبشرية؛ هي لا فلوسك ولا انت هتخدها؛ أيه الضرر اللي واقع عليك؟ أن واحد بيشتري رقم بنص مليون جنيه".
واختتم: "أنا مش مصدق أن في حاجة عليها 50 مليون أنما ماشي ياريت؛ فليدفعوا فل يكعوا؛ وأحنا بقي الفلوس تروح عندنا للأورمان لتحيا مصر أو المرور أو تروح للدولة وأنا من أول الناس في مصر اللي طلبت الموضوع دة مش عشان عايز نمرة أنا مدفعش فيها عشرة صاغ أنما في ناس غاوية كدة".
