شيماء سيف تكشف حقيقة مرضها وانفصالها عن زوجها
أكدت الفنانة شيماء سيف، أنها نادمة على نشر أخبارها على وسائل التواصل الاجتماعي موضحة أنها توقفت عن هذا الأمر بعد أن ندمت بشدة.
وقالت سيف خلال مقابلة مع برنامج "أنا والقناع" المذاع على قناة "الحياة": "أنا بقول كل حاجة زي ما هي؛ أنا بتاعة الموقف يكون ليه الرد في ساعتها؛ كنت بدخل أهبد جوزي البلوك والناس طلعت شغلانتها كدة عرفت فلان وعملوا لبعض أن بلوك وأقعدولهم".
وأضافت: "اتعلمنا مع الوقت أنه مفيش داعي نعمل خناقة نندم عليها؛ اتخانقنا خلاص أبعدي عن وشي وأبعد عن وشه لحد ما نهدى".
وتابعت: "النشر على وسائل التواصل عكس الستر والأفضل أن اللي في البيوت يفضل في البيوت؛ هو كان دائما يقولي لا ومتعمليش كده ويقولي أيه عقل الأطفال ده يعني ايه تعمليلي بلوك".
وأكملت: "في مرة كتبت الحمد لله كل شيء نصيب؛ كان اللي حصل بنعمل مسلسل دنيا سمير غانم والاستاذة دلال جاتلها كورونا ودنيا كمان فدخلت كتبت الحمد لله كل شيء نصيب واتفهمت أنه خلاص شيماء أطلقت؛ وأنا عشان أوضح كان لازم أقول إن الناس دول تعبوا ففضلت ساكته وهما فضلوا مقتنعين فترة أن خلاص شيماء اطلقت".
وأوضحت: "مش عشان أبرأ نفسي أقول سر في حياة حد كان المفروض ميتعرفش أو يتقال؛ مرة بردو كان زميل عامل عملية فدخلت كتبت دعاء للمريض وقالوا شيماء تعبانة وعندها كانسر".
وأكملت: "أحيانا أكون عارفة ناس بيكرهوكي في ناس وبيجي مع الوقت تكتشفي الناس دي كانت وحشة وفي الوقت دة مبقولش للناس التانية متزعلوش أنا بعتذر لربنا؛ أنا مجرد أني صدقت على السمع دي حاجة أنا بغيرها".
وذكرت: "أنا كان قلبي حاسس في حاجة مش سالكة في حد وكدبت نفسي؛ مع كل موقف كنت شايفة الحقيقة والشخص دة يقولي لا؛ كان شخص قريب مني أوي؛ حد محبش افتكره الموضوع دة حصل من قريب وأنا زعلانه أن أديته وقت من وقتي واعتبرته من الناس الكويسة".
واختتمت: "أنا غيرت أسمي عشان مخرج البرنامج اللي اكتشفني ومكانش عنده أولاد وقالي إنه لو عنده أولاد كان يتمنى أن أني أكون بنته وقولت أعمل زي الفنانات ويبقي عندي أسم فني".
