مي سليم تكشف تفاصيل رفضها الزواج من لاعب الأهلي

كشفت المطربة مي سليم؛ حقيقة تقدم أحد لاعبي الأهلي للزواج منها، موضحة أنها رفضت الزواج منه لأنه يصغرها بعشرة سنوات.

وقالت سليم في مقابلة مع برنامج "العرافة" المذاع على قناة "النهار": "أيوة فعلا تقدم وكان عايز يتجوزني ورفضته عشان أصغر مني بعشر سنوات؛ دي معلومة محدش يعرفها خالص غير القريبين مني؛ كان في لاعب كان عايز يتقدملي وبيلعب في الأهلي وأنا شفت أنه لا".

وأضافت: "توليت مسؤولية بنتي لفترة معينة كان فيها خلاف ولكن كل حاجة بتتغير؛ الأب كان واخد موقف وكان في بينا مشاكل كتير ولكن حاليا علاقتنا جيدة".

وتابعت: "حاليا أحنا على وفاق كويس ولكن احنا مش هنرجع لبعض؛ أحنا أصدقاء حاليا وفي بيننا عيال؛ قلتله طلقني ومرديش وكان بيحبني ومتمسك بالعلاقة ولكن الظروف وقتها كانت أقوى بكتير؛ أنا كنت بحترمه وكان بيحبني وعايز يرضيني ولكن كان في مشاكل متخليش العلاقة دي تكمل".

وأكملت: "عملته محضر في القسم وحصلت بيننا مشاكل وممكن تكون أدت أنه خرجت من شعوره وخلته بيتصرف بشكل مفيهوش عقل وأكيد حصلت مشاكل خلتني أروح أعمل محضر عدم تعرض وفضلنا على مشاكل لفترة طويلة قعدنا فيها سنين".

وواصلت: "مكانش في لغة حوار بيينا ومقلتش أنه كان عايز يخطف بنتنا؛ وكان في عدم وعي وقتها وكان هو خارج عن شعوره لكن كان عايز ياخد البنت من البيت".

أوضحت: "بعد السنين ما غدت وبنتنا كبرت وهو اتغير خالص جدا؛ وأحنا كدة كويسين؛ وأتمنى أنه يقابل بنت الحلال اللي يبقي مستريح معاها وأنا لو في أيدي أجيب له عروسة لكن معتقدش هيقبلها مني".

وتطرقت سليم للحديث عن زواجها من الفنان وليد فواز؛ موضحة أن زوجها السابق أفشى أسرار المنزل وأن هذا الموقف لم يكن جيدا على الإطلاق.

واختتمت: "الصغير قال عيب والكبير قال عيب؛ أنا أصريت على الانفصال وأعتقد أنه كان مستفز وقتها؛ أنا كنت مصرة على الانفصال وهو كان مرحب ولكنه اتخض من القرار السريع بالانفصال؛ قرار الجواز اتخذ خلال 3 شهور وكل الموضوع أخد 3 شهور كانت تجربة سيئة".