"بالنسبة لبرة مش عريان".. رانيا يوسف: أخطأت في ارتداء "فستان البطانة"
علقت الفنانة رانيا يوسف؛ على الجدل الذي أثير بعد صورتها مع خوان لابورتا رئيس نادي برشلونة الإسباني مؤكدة أنها التقته بالمصادفة.
وقالت يوسف في مقابلة مع برنامج "العرافة" المذاع على قناة "النهار": "أتصورت مع خوان لابورتا رئيس برشلونة هو أنا هتجوزه؛ أنا مش هدخل في حياته الشخصية أنا قابلته في كافيه ومعرفش هو بيقول ايه أو بيعمل ايه".
وأضاف: "أنا معملتش فضيحة هو أنا أتصورت معاه في أوضة النوم؛ أنا معرفش مواقفه وأنا مش رايحة أحارب ولكن معلوماتي أنه بيحب مصر وكان هيتجوز واحدة مصرية؛ واحد قابلته في كافيه وبنتعرف على بعض وبينا أصدقاء مشتركين؛ أنا مبعملش فضايح بيرفعوا عليا قضايا عشان يتشهروا على أفايا".
وعن إمكانية مشاركتها غادة عبد الرازق في عمل فني قالت يوسف: "لو معانا مخرج قوي يدير الحكاية ممكن نشتغل مع بعض ولو مفيش هيبقي لا أنا مش عايزة أخسر غادة".
وأشارت يوسف إلى أنها أخطأت في ارتداء الفستان الذي أثار الجدل خلال مهرجان القاهرة السينمائي مؤكدة أن كل مناسبة لها الزي المناسب.
وواصلت: "فستان البطانة بالنسبة لبرة مش عريان؛ العري دة مش كلمة سهلة كدة هو أنا لابسة مايوه ورايحة فرح؟ أنا غلطت في الفستان ده وكان سوء تقدير مني ولكن دة مش معناه عري؛ أنا مش بلبس عشان عري أنا بلبس الحاجة اللي بتليق عليا وبشوفها حلوة ولطيفة.
