محمد الباز يهاجم مذيع "الجزيرة": أحد الوجوه السوداء ولن تقبل مصر عودته

هاجم الإعلامي محمد الباز؛ مذيع قناة الجزيرة محمود مراد مشيرا إلى أنه يعد أحد أصحاب الوجوه السوداء الذين اعتادوا الهجوم على الدولة المصرية لخدمة جماعة الإخوان الإرهابية.

وقال الباز خلال برنامج "أخر النهار" المذاع على قناة "النهار": "أصحاب الوجوه السوداء الناس اللي باعوا نفسهم وقرروا يهاجموا البلد عشان مصالحهم أو عشان انتمائهم إلى جماعة أو عصابة أسمها الإخوان ومن بين أصحاب الوجوه السوداء دول المذيع محمود مراد".

وأضاف: "محمود مراد يمكن لشهور وهو مبتلع لسانه لكن فضل لسنوات طويلة جدا بيهاجم مصر ويفتري عليها ويشهر بيها وكل ده خدمة لجماعته الجماعة الإرهابية اللي انتمى ليها مبكرا وحط نفسه في خدمتها بغض النظر أن دة خرجه من خانة الإعلامي اللي بيتشدق بالموضوعية إلى خانة الناشط الإخواني".

وتابع: "محمود مراد مكانش بيفوت فرصة غير لما يهاجم مصر وشعبها وجيشها وقياداته وكان بيسير في هذا الطريق لأن هذا الشعب كسر جماعته وكنس جماعته وطردها وحطم أحلام هذا المرتزق اللي بينتمي لفصيل يتمتع بغباء شديد جدا ينكر الواقع".

وواصل: "محمود مراد كان من الفصيلة اللي كانت بتقولك مرسى راجع اللي هو خارج الواقع على الإطلاق ودا بيقولك أي عقلية من العقليات اللي بيتمتع بيها هؤلاء اللي تحولوا من إعلاميين إلى خدم لجماعة الإخوان الإرهابية؛ الفكرة اللي بأشيع بيها أصحاب الوجوه السوداء دول أنه هيفضل بعيد مصر عمرها ما هترحب بيه ولا حتى جسمانه لما يموت احنا مش هننسى الإساءة ولا التأمر ولا الناس اللي كانوا طول الوقت بيهدوا البلد دي".

واعتاد الإعلاميين التابعين لجماعة الإخوان الإرهابية على قلب الحقائق ومهاجمة الدولة المصرية من الدول التي لجأوا إليها بعد انهيار نظام جماعة الإخوان عقب ثورة 30 يونيو.

وتراجعت حدة الهجوم الإعلامي بعدما قيدت قطر وتركيا تصرفات الإعلاميين التابعين للجماعة وأعضائها عقب تحسن العلاقات التدريجي بين مصر والدولتين.

وعقدت مصر ودول الخليج من جهة وقطر من جهة أخرى مصالحة عقب سنوات من القطيعة فيما تتقدم العلاقات المصرية التركية ببطيء ولكن الحكومة التركية قامت بتقييد المنابر الإعلامية التابعة للجماعة والموجودة على أراضيها.