أحمد موسى: الدولة تتعرض لحرب شائعات مستمرة منذ 2011
أكد الإعلامي أحمد موسى؛ أن البلاد تتعرض إلى قدر كبير من الشائعات مشيرا إلى أن الشائعات طالت كل المجالات بداية من مؤسسات الدولة وحتى حالة الطقس.
وقال موسى خلال برنامج "على مسؤوليتي" المذاع على قناة "صدى البلد": "نحن في وطن يشهد على مدار الساعة حرب مش جيل رابع؛ على مدار الساعة البلد تتعرض لكم هائل من الشائعات لا يتوقف؛ ضرب في الدولة واقتصاد الدولة ومؤسسات الدولة وأي مشروع يتعمل كل يوم على مدار الساعة تلاقي مجموعة من الشائعات تتعلق بالدولة المصرية".
وأضاف: "هذا الوطن من 2011 ولحد النهاردة كل ما تطلع خطوة لقدام عايزين يرجعوك 10 لورا؛ رئيس الوزراء كان بيتكلم النهاردة عن الشائعات والبلد تتعرض لدة؛ الشعب المصري أصبح اليوم لديه الوعي الكامل عارف الصح وعارف الغلط؛ مش معقول بقالنا 12 سنة شائعات على مدار الساعة مش اليوم".
وتابع: "منجحتش شائعات قناة السويس نخترع أي حاجة ونضربها نكلم على البنك المركزي تاني؛ وكل مؤسسات البلد؛ يتكلم عن الجيش منجحش عن الشركة منجحش وبيتكلم على الحكومة مش هينجحوا وعن الفراخ واللحمة ومش هينجوا".
وواصل: "أنا بكلمك على جزء من اللي أتذكره دلوقت؛ ما في حاجة بتحصل ألا ولازم وهنفضل كدة ولن يتوقفوا؛ معندهمش بديل أخر على الأرض هو عمال يشتغل من 2011 ومن 2013 وكل يوم يقولوا؛ حصل ايه؟ مش دا وعي عند حضراكم ويحسب لهذا الشعب أنه يتحمل فاتورة صعبة بندفع تمنها كلها".
وأوضح: "كله بيستعد أمريكا هترفع فائدة لحد 6% أنت عارف دا معناه ايه بالنسبة للعالم واقتصادات العالم كله؟ دا بيسبب لك أزمات وأنت كمواطن مش مسؤول أبدا عن دة ولكن الدولة بقدر الإمكان بتحاول ومحاولة لامتصاص التضخم وارتفاع الأسعار".
وأكمل: "لو في الأسبوع اللي فات قرارات هي أيضا جزء من قرارات السنة اللي فاتت واللي قبلها وأي فلوس الناس بتخدها مبتكفيش ورئيس الوزراء قال أحنا عارفين ومفيش حد مش عارف".
واختتم: "المواطن عارف وبيسأل وبيشتري وعارف الأسعار بقت كام ومفيش حد في البلد مش عارف؛ اللي حضرتك بتفكر فيه دلوقت الدولة عارفاه؛ البنك المركزي عارف والدولة عارفة؛ الدولة بتحاول بقدر الإمكان وبقدر ما لدينا من إمكانيات والموضوع النهاردة زيادة على كل العالم مش احنا بس حتى الدول الغنية".
