عمرو وهبة: ولدت في باريس.. لكني أزهري طول حياتي

كشف الفنان عمرو وهبة تفاصيل رحلته الدراسية، موضحًا أنه درس في الأزهر طوال عمره، منذ أن دخل الحضانة حتى تخرّج من الجامعة.

أشار وهبة، خلال حواره مع الإعلامية منى الشاذلي في برنامج "معكم منى الشاذلي"، على قناة cbc، أنه ولد في العاصمة الفرنسية باريس، وبعد ولادته بشهر عادت أسرته لمصر، وبعد سنوات بدأ تعليمه في الأزهر، وفي الثانوية العامة حصد المركز الرابع أدبي على مستوى محافظة بورسعيد، ليحصل في النهاية على ليسانس لغات وترجمة قسم ترجمة فورية.

وعن ذكريات زواجه، قال عمرو وهبة إنه تزوج في عام 2010، لكنه لم يقم بعمل حفل زفاف حتى يوفر نفقات السفر في شهر العسل، مضيفا: "اتفقنا انا ومراتي هنعمل فرح وروحنا دفعنا عربون الحجز في مكان ما.. الفلوس اللي معانا يا نعمل فرح يا نسافر شهل العسل، فبعد ما دفعنا العربون قعدت اتكلم معاها، بس هي كان عندها الأحلام بتاعت البنات دي الفستان ونتصور والكلام ده".

سافرت شهر عسل بدلا من إقامة فرح 

تابع: "قولتلها لو عايزة الصورتين هوديكي اقرب ستوديو ونتصور والفلوس دي نسافر بيها، يعني نسافر بيها إحنا أسبوع ولا الناس تيجي تاكل بيها في ساعتين، ومبيعجبهمش الأكل برضو!! فوافقت وسافرنا".

أضاف عمرو وهبة: "كنا صغيرين وشكلنا صغير جدا.. والعمارة اللي كنا عايشين فيها كانوا فاكرينا اخوات.. البواب كان فاكر كده.. حتي الصنايعية الاقيه يقولي والنبي قول لاختك تعملنا كوباية شاي.. فخلاص مش هقعد اشرح لكل واحد، وبعدين فعلا شكلنا كان صغير جدا".