أحمد موسى يوضح أسباب العودة إلى التوقيت الصيفي
كشف الإعلامي أحمد موسى؛ أسباب قرار مجلس الوزراء بالعودة إلى العمل بالتوقيت الشتوي، مشيرا إلى أن التوقيت الصيفي ليس جديد على مصر.
وقال موسى خلال برنامج "على مسؤوليتي" المذاع على قناة "صدى البلد": "مجلس الوزراء خد قرار بالعودة للتوقيت الصيفي؛ التوقيت الصيفي مش جديد علينا ولكن كان موجود واتلغى ثم يرجع تاني؛ في ناس كتير تقولك أيه أهمية الموضوع دة لا دا مهم جدا؛ طيب أحنا الدولة الوحيدة؟ لا أمريكا بيحصل فيها وأوروبا بيحصل فيها؛ الفارق بينا وبين أوروبا ساعتين وهيرجع ساعة بعد التوقيت الصيفي".
وأضاف: "الجمعة الأخيرة من أبريل هنقدم الساعة عشان النهار يطول معانا ساعة زيادة؛ طيب الساعة دي هتفرق معانا؟ أيوه هتفرق معانا؛ الدولة خدت قرار السنة اللي فاتت أن أحنا نعمل ترشيد استهلاكنا للكهرباء عشان نوفر شوية غاز عشان نلحق نصدرها؛ أسعار الغاز اللي كانت 4-7 دولار بقت بـ30 دولار".
وتابع: "الساعة دي هتفرق معانا بجد؛ أول بداية العمل بالتوقيت الصيفي كان أيام الرئيس عبد الناصر واستمرينا عليه لحد سنة 1975 وجه الرئيس السادات لغى العمل بالتوقيت الصيفي وسنة 1982-1983 الرئيس مبارك رجع العمل بالتوقيت الصيفي ثم أتلغى ثم رجع سنة 1995 واستمرينا من 1995 إلى 2011".
وواصل: "بعد أحداث يناير قالك نلغى التوقيت الصيفي وضمن حاجات بقي؛ ثم رجعنا في 2014 للعمل بالتوقيت الصيفي لمدة سنة واحدة حتى 2015 نلغى التوقيت الصيفي ونعود اليوم بقرار مجلي الوزراء إلى العودة للتوقيت الصيفي".
وأوضح: "هل احنا عندنا أزمة طاقة؟ لا الحمد لله؛ ولكن الهدف توفير شوية غاز توفير شوية المحطات اللي بتشتغل بالغاز عشان نصدر أكتر؛ السنة اللي فاتت وفرنا شوية والكام شهر اللي جايين نشتغل بالتوقيت الصيفي؛ مشكلتنا الساعة اللي هتزيد دي في النهار التكييفات".
وأكمل: "كان عندنا عجز كبير في الكهرباء واليوم عندنا فائض ما بين 18-19 ألف ميجاوات فائض وأكبر استهلاك كان لينا تجاوز في الصيف اللي فات 34 ألف ميجا و200 ودة كان أكبر استهلاك لينا ودة رقم كبير وحاليا بنستهلك حوالي 26 ألف ميجا عشان مفيش تكييفات".
واختتم: "مشكلتنا لما بنشغل أجهزة التكييف والرئيس لما خد الخطة القومية لمنظومة الكهرباء محطات – نقل – توزيع دول التلات إجراءات اللي اتاخدوا عشان الكهرباء اللي بتشوفوها ونقدر نعمل ربط مع الدور الشقيقة وعندنا منظومة ومعندناش عجز".
