عمرو أديب عن الهجوم على منى زكي: "الموضوع وراه حكاية قديمة"
علق الإعلامي عمرو أديب؛ على الهجوم الذي تعرضت له الفنانة منى زكي خلال الأيام الماضية بعد طرح أفيش مسلسل "تحت الوصاية" والمقرر عرضه خلال شهر رمضان.
وقال أديب خلال برنامج "الحكاية" المذاع على قناة "صدى البلد": "هجوم شديد على مني زكي؛ عاملة مسلسل أسمه تحت الوصاية؛ مني طالعة في الأفيش محجبة؛ مفيش حاجة في الأفيش تدايق؛ الست طالعة محجبة؛ هجوم غير طبيعي ولا حد يعرف المسلسل فيه ايه ولا القصة ايه ولا منى دورها ايه".
وأضاف: "قالك شايفين عاملين حواجبها ازاي وليه واحدة محجبة حواجبها عاملة كدة؛ لو اتعملت الحواجب معمولة ازاي كان قالك إيه الفتنة دي هو في ست محجبة شفايفها كدة ولا مناخيرها كدة؛ هجوم على منى زكي غير طبيعي ويبدو من القصة والعنوان أن حاجة ليها علاقة بالمجلس الحسبي".
وتابع: "الغريب يا سادة أن غالبية اللي بيهاجموها ستات؛ دا شكل درامي ياجماعة ست غلبانه تعبانة مقهورة في حياتها؛ في القصة دي أنها مقهورة وعندها مشاكل ولو طلعت عاملة محجبة ألفرنكا ومش عارف ايه كنتوا هتعملوا فيه ايه؟".
وأكمل: "أنا فاهم الحكاية وراها ايه؟ الحكاية وراها حكاية قديمة منى زكي دي ست محترمة ومتجوزة راجل محترم عمر ما سمعنا عنهم حاجة وحشة ومكانش في شيء سيء يخلي التربص بمنى زكي عامل كدة؛ الدراما المصرية بقت مسيجة ومفيش نقد كبير أو حد يطلع منحرف كل الناس في الغالب كويسة".
وأوضح: "الست طالعة بدون مكياج وبهرجة؛ هاشتاج منى زكي وأنا بقول إن هو مكمل يومين تلاتة؛ في مصر وقبل ما أكمل طبعا الحجاب فرض وأنا مقتنع بكدة؛ هو مفيش حتى لو عملنا مسلسل فيه واحدة محجبة شريرة هو مفيش واحدة محجبة شريرة؟ الحجاب في مصر زي أخلاقي واجتماعي أيضا".
واختتم: "في مناطق وأماكن في مصر مينفعش الست تمشي غير محجبة؛ في محجبة كويسة وفي محجبة وحشة وفي ست غير محجبة كويسة وفي ست غير محجبة وحشة؛ خلاص بقي الدراما المبسترة تخلص؛ دلوقتي كل مجموعة من أصحاب الرايات أوعى المحجبة أوعى وظيفة مش عارف ايه أوعى قرية أيه الشخصية التاريخية دي لا؛ طيب الدراما هتبقى ايه إذا كان كل شيء عليه علامة حمراء".
