محمد الباز يكشف تفاصيل تزييف الإخوان فيديو لأحد رجال الأعمال بالعاصمة الإدارية

كشف الإعلامي محمد الباز، عن تفاصيل نشر أحد المنتمين إلى جماعة الإخوان الإرهابية لمقطع مصور يصور القصر الرئاسي في العاصمة الإدارية ومحاولة تحريض المواطنين بالإشارة إلى أن الأموال أنفقت دون جدوى.

وقال الباز خلال برنامج "أخر النهار" المذاع على قناة "النهار": "عايز أوريكم صورة شخص اسمه حسام الغمري؛ ببساطة شديدة هو رجل مشتت مشرد ورمي نفسه في حضن جماعة الإخوان ومن شهور تم القبض عليه في تركيا لأنه مخالف هناك".

وأضاف: "بعد فترة رجع تاني حسام الغمري يمارس نشاطه الكاذب والمزور؛ وكاتب عايزين تعرفوا فلوسكو فين؟ عايزين تعرفوا افتقرتوا ليه؟ جوعتوا وهتجوعوا ليه؟ عشان في بني أدم مهوس عايز يعيش حياه هارون الرشيد بفلوسكم".

وتابع: "لما حضراتكم تشوفوا الكلام دة؛ المشكلة في ايه هو قاعد يقول انتوا بتجوعوا عشان الرئيس عايز يعيش حياة هارون الرشيد وعشان يؤكد دة نشر فيديو؛ المدعو حسام الغمري كتب البوست وحط الفيديو وهو الصوت فيه مش واضح بس الناس لما تسمع هتلاقي الراجل بيقول دة قصر الرئاسة".

وأكمل: "حسام الغمري أدمن الكذب والفبركة؛ أما المواطن في الفيديو بيتكلم أنه في ظروف والناس اتحملت وأن فلوس الناس مراحتش على الأرض والراجل لا يشكو ولكن بيتكلم بشكل طبيعي بيقول إن الظروف الصعبة اللي حصلت دي في حاجة موجودة والفلوس مراحتش على الأرض".

وأوضح: "لما جينا دورنا على الفيديو لقينا مكتوب عليه سعداوي؛ وهو قاطع الفيديو من فيديو طويل لقينا احدى الشركات اللي هما شغالين في العاصمة الإدارية في نوفمبر 2021 والفيديو ليس حديثا ولكن هما بيدورا؛ عايزين أي حاجة عشان يطلعها ويقولك الحق".

وواصل: "الأستاذ احمد سعداوي ماشي في حالة وهو رجل أعمال رايح يشتري في العاصمة الإدارية والشركة بتفرجه؛ ورجليه خدته إلى القصر الرئاسي؛ والقصور الرئاسية بتاعة البلد وبنيت في وقت بعيد عن الأزمة الاقتصادية".

واختتم: "احنا قدام محاولة مش لفبركة فيديو ولكن اجتزاء فيديو من فيديو كبير عشان يقولك الناس مش لاقية تاكل عشان ايه؛ مع أنه الأستاذ أحمد سعداوي بيقول الفلوس موجودة أهيه ومراحتش".