وضع يده على كتف زوجته.. صورة صلاح وأسرته مع الممثل ويل فاريل تثير جدل السوشيال ميديا
أثارت صورة نشرها نجم ليفربول الإنجليزي محمد صلاح برفقة أسرته مع النجم الأمريكي ويل فاريل عبر خاصية استوري على «انستجرام» جدلا واسعا خلال الساعات الماضية على منصات السوشيال ميديا.
وفي التفاصيل، ظهر النجم الأمريكي ويل فاريل في الصورة وهو يضع يده فوق كتف زوجة محمد صلاح.
وعلقت إيمان محمد: «دافعت كتير عن صور محمد صلاح اللي في أعياد تناسب الطبيعة اللي بيعيش فيها ولا حتي صور له هو في عروض أزياء.. لكن هذه الصورة تتنافي مع الدين الإسلامي.. يحرم على المرأة المسلمة أن يلمسها رجل أجنبي عنها أو يصافحها».
وقال أحمد يوسف: «بالنسبة لصورة محمد صلاح اللي عامله قلق.. هقول كام حاجة بسيطة علشان نفهم حياة الناس دى.. لا هو عاشق إثارة جدل ولا هو عاوز يجيب ريتش ولا هو يفرق معاه أصلا الشعب العربى بالكامل ولا إفريقيا.. محمد صلاح مش مجرد لاعب.. ده من أكبر مستثمري العقارات فى بريطانيا وأوروبا.. فيا أخي العربي والمصري التعيس بلاش تشغل نفسك بأن رجل حط إيده على كتف مراته أو حتى حضنها انشغل أنت بحالك وركز فيه لأن صلاح لا هيشوف تعليقك ولا هيحذف الصورة ولا سيادتك فارق معاه من الأساس».
ودافع عن الصورة شريف: «أحب أقولكوا إن الممثل ويل فاريل عنده أكتر من ٧٠ سنة ومحمد صلاح ومراته من سن أحفاده».
