أحمد موسى يحذر من محاولات هز الثقة في القوات المسلحة
أكد الإعلامي أحمد موسى؛ أن الحكومة التركية قامت بنشر القوات المسلحة التركية في المناطق التي ضربها الزلزال لحماية المحال والممتلكات من السرقة والتدمير.
وقال موسى برنامج "على مسؤوليتي" المذاع على قناة "صدى البلد": "في تركيا النهاردة منزلين الجيش عشان يحمي المحلات من السرقات والناس بتستغل الكارثة عشان تسرق وتدمر في البلد".
وأضاف: "بيجي يكسر في مؤسساتك؛ المؤسسة الصامدة بيكسر ليه في الجيش وفي الشرطة؟ عشان مش عايزك تبقي موجود يقعد يروح الشائعات ويحاول هز الثقة لكن الثقة مش هتتهز لأن الجيش دة مش جيش حد دا جيشنا".
وتابع: "لو في 2011 القوات المسلحة منحازتش للشعب كان إيه اللي حصل؟ الرئيس مبارك لو مطلعش قرار أن القوات المسلحة تتولى شؤون البلاد لأنه كان شايف قوة وحيدة موجودة هتاخد البلد وتجري وتدمر في البلد وهي الاخوان".
وواصل: "ربنا حمانا والقوات المسلحة تحملت المسؤولية ودا دورهم الوطني والتاريخي؛ حماية الشعب مش حماية حد وعملوا وبيعملوا بس كانوا في يناير قنوات موجهة من جوة سيبك من اللي برة المصيبة اللي كان جوة؛ موجه عشان يضرب المؤسسة بخطة اشتغلوا عليها وميبقاش القوات المسلحة موجودة عشان يبلعوا البلد".
وأكمل: "لو 30 يونيو منحازش لينا الجيش مكانش دة بقي حالنا؛ عشان كدة هيفضلوا شغالين على محاولات هز الثقة ما بين الشعب العظيم والقيادة؛ الرئيس أتكلم عن التحديات النهاردة واتكلم عن العاصمة الإدارية وهل العاصمة مهمة؟ طيب هي سوهاج الجديدة كانت مهمة؟ طيب قنا الجديدة فرقت؟ طيب المنصورة الجديدة فرق؟".
وأوضح: "الأقصر فيها حفل النهاردة حاضر ألفين واحد 98% منهم أجانب طيب دول كانوا هيجولك لو الوضع عندك مش مستقر؟ هو دة ايه؟ بمناسبة السياحة يا جماعة يا أهل السياحة صديق كنت قاعد معاه لسة جاي من إسبانيا امبارح بيقولي الناس بيشتكوا في الويك أند مبيلاقوش أوض في مصر".
وأشار موسى إلى تضحيات القوات المسلحة طوال السنوات الماضية في إطار مكافحة الإرهاب موضحا أن أجهزة الدولة نجحت في القضاء على الإرهاب رغم الدعم الكبير الذي حصلت عليه الجماعات الإرهابية من الخارج.
