نجلاء بدر عن المواجهة الزوجية: لازم يكون معايا مستندات

تحدثت الفنانة نجلاء بدر عن دورها في حكاية "روليت" التي أذيعت ضمن حكايات مسلسل "في كل أسبوع حكاية" على قناة cbc، موضحة أنها لعبت دور الممثلة بشكل طبيعي وإنساني بعيدا عن الشكل النمطي المعتاد.

أضافت خلال حوارها مع الإعلامية منى الشاذلي في برنامج "معكم منى الشاذلي" على قناة cbc، أن العمل تناول محاور عدة، خاصة فيما يتعلق بالوضوح والصراحة والمواجهة بين الأزواج. وبسؤالها عن موقفها من المواجهة مع زوجها في حياتها الشخصية، أكدت أنها لا تواجه إلا بعد التثبت بالأدلة القاطعة.

قالت: التزم بتحري الدقة

تابعت: "أنا عمري ما بواجه غير لما يكون معايا مستندات، المواجهة عندي يبقى أنت خلاص هتلبس مصيبة مفيش تفاهم، لأن عندي حتة التحري قبل المواجهة.. مقدرش أواجه حد وأنا شاكة.. لازم أواجه وأنا ضامنة إني صح".

تواصل نجلاء بدر: "بعمل كل التحريات اللي ممكن تتخيلها.. أنا ملكة السيرش.. المستندات ممكن تبقى صور أو فاتورة تليفون أو اسأل ناس.. كده يعني.. وعموما بحس إن الستات ربنا مديها شفافية مرعبة فبتحس بالحاجة الأول بدون دليل".