عمرو أديب يطالب اتحاد الكرة بتحديد موقف صفقات الزمالك: " المسائل متشخصنة"
طالب الإعلامي عمرو أديب؛ الاتحاد المصري لكرة القدم؛ بتحديد الموقف النهائي لقيد لاعبي الزمالك الجدد والذين ضمهم خلال فترة الانتقالات الشتوية.
وقال أديب خلال برنامج "الحكاية" المذاع على قناة "أم بي سي مصر": "في بلد في العالم أو أي نظام كروي في العالم متعرفش تسأل فيه اللاعبية اتسجلت ولا لا؛ هما اتسجلوا والا لا؟ طيب هما اتسجلوا ومتقيدوش وهيتقيدوا لو دفعوا الفلوس؟ مفيش حد بيرد".
وأضاف: "الناس دي ازاي دخلت وأنت معملتش بلوك لنادي الزمالك أنه يسجل اللاعبية بتاعته أنا أتحدى أن في حد عنده إجابة أنا مش بسأل سؤال في الكمياء أو سؤال صعب أنا بسأل التلات لاعيبة دول ممكن يلعبوا لو الزمالك دفع الفلوس؟ محدش عايز يرد".
وتابع: "دا نادي ومملوك للدولة وفي فلوس ادفعت؛ والشباب دول عندهم مستقبل هيترمي يعني؟ نسأل السؤال يا جماعة الناس دي هتلعب ولا لا قول لا؛ هل اللاعيبة دي تنفع ترجع لفرقهم عشان يلعبوا محدش يعرف حاجة".
وواصل: "هو البيان بتاع أول يوم بس؛ هما اتأخرو وخلاص؛ هما سطرين قولوا يا جماعة اللاعيبة دي متقيدوش؛ أو اتقيدوا بس مش هينفع يلعبوا ألا لما الزمالك يدفع".
وأكمل: "أشياء وناس بتجري ورا ناس ومحاضر؛ دي كورة دي؟ نكلم اتحاد الكرة محدش بيكلمنا نروح لوزارة الشباب يقولك أحنا ملناش دعوة أنا كل اللي بطلبه سطرين أن التلاتة اللاعيبة دول اتسجلوا والسستم قيدهم لكن مش هيلعبوا أو الناس دي اتسجلت ولكن عشان تاخد كارنيهاتها لازم الزمالك يدفع".
وأوضح: "هو الزمالك معاهوش ازاي 20 مليون جنيه أمال فلوس إمام عاشور دي راحت فين؟ نادي الزمالك معاهوش نصف مليون دولار؟ اسأله كتيرة وتحس أنك بتشوف حاجات وطبعا المسائل مشخصنة خلاص دا زعلان ودة مدايق ودا بيشتم ويزعق".
وكان الاتحاد المصري لكرة القدم قد رفض قيد ثلاثة لاعبين ضمهم نادي الزمالك خلال فترة الانتقالات الشتوية بداعي عدم سداد النادي للمستحقات المتأخرة.
وحاول رئيس الزمالك تسجيل اللاعبين الثلاثة قبل اغلاق نظام الانتقالات بالاتحاد بنصف ساعة وهو ما رفضه مسؤولي الاتحاد وطالبوا بسداد المتأخرات أولا.
