وزير النقل: خطة الوزارة تتضمن 1000 كوبري ونفق وتم إنهاء 915 منها
علق الفريق كامل الوزير، وزير النقل، على الانتقادات الخاصة بشأن التوسع في مشروعات الطرق والكباري، وما يترتب عليه من مرور بعضها أمام بلكونات المواطنين.
وقال الوزير، أمام الجلسة العامة لمجلس النواب: «يعني نعمل طرق ولا لأ؟.. أومال هنوصل للمشروعات الجديدة إزاي، والطرق شرايين تنمية لا بد منها، علشان كده هنكمل مشروعات النقل».
وتابع الوزير: «دليل حاجتنا لاستكمال مشروعات الطرق والكباري أكثر من اللي عملناه، وجود ما يقرب 112 طلب من النواب بإنشاء كباري وطرق».
وأكمل: «مهمتنا مصلحة أهالينا، وإحنا عارفين اللي كارهنا مهما نعمل»، مشيرا إلى أن خطة وزارة النقل تتضمن 1000 كوبري ونفق، تم إنهاء 915 منها، وجاري استكمال الباقي.
وقال وزير النقل: «مفيش وزير نقل راح أسوان زي ما أنا رحت، أنا زرت أسوان 12 مرة في سنة، وأنا مش بفخم في نفسي»، مشيرا إلى أنه زار أبو سمبل 3 مرات، والمرة الرابعة خلال أيام، مؤكدا أنه هو من يحدد بنفسه مسار الزيارة.
