عمرو أديب: "مينفعش كل ما أروح أشتري حاجة ألاقي التاجر يقولي معلش زادت شوية"
أكد الإعلامي عمرو أديب؛ أن الجهود التي بذلتها الدولة للإفراج عن السلع المكدسة في الموانئ يجب أن تنعكس على الأسعار في السوق خلال الفترة المقبلة.
وقال أديب خلال برنامج "الحكاية" المذاع على قناة "أم بي سي مصر": "هي إيه كانت الأزمة الاقتصادية المصرية؟ سعر عملة وارتفاع أسعار ومشاكل في الاستيراد وتكدس في السلع في الموانئ وعدم وجود أموال كافية لإدخال السلع إلى السوق لإحداث توازن في الأسعار".
وأضاف: "رئيس الوزراء كان بيفتتح مشروع إسكان اجتماعي ومتوسط 30 ألف شقة وكانت الناس استلمت وتشوف الناس جوة الشقق بتاعتها على هامش الجولة رئيس الوزراء قال أخبار هامة ولما تكون موجودة بشكل مستدام أشياء لها علاقة بالأزمة الاقتصادية تكون من الماضي".
وتابع: "رئيس الوزراء بيقول بشكل واضح أن السلع المكدسة لم تعد مكدسة والأسعار في سبيلها في التحسن والتصيف المصري زي ما شفنا ستاندرد أند بورز أدتنا تصنيف بي وأن المصانع اشتغلت وعندها الحاجات اللي تشغلها شهرين".
وواصل: "الدولة زي ما قال رئيس الوزراء أحنا طلعنا الحاجات؛ والغرف التجارية بتقول الأشياء خرجت وموجودة في المصانع وهيبقي في تشغيل".
وأكمل: "طيب بالنسبة للأسعار؟ لما كنا يتشم هبابة أن الدولار زاد ربع جنيه كنا بنشوفه في كرتونة البيض ودا مش بعيد؛ مثلا الدرة عندك زاد ليه؟ الصويا قل والحكومة قالت أنا هطلع الأشياء المهمة أنا عايزة أطلع للناس مكونات الإنتاج".
وأوضح: "عشمنا زي كل الاقتصاديات في العالم أن يكون في شيء علمي واضح؛ ليه بنشوفه في الطلوع ومش بتشوفه في الاستقرار أو الهبوط؛ اللي بقوله إن لغاية دلوقت في ناس بترفع الأسعار رغم أن الدولة بتقول خلاص يا جماعة حاجتك أهيه".
وتابع "أديب": "مينفعش كل ما أروح أشتري حاجة ألاقي التاجر اللي بيبع الحاجة دي عليه ابتسامة خجولة ويقولي معلش زادت شوية".
واختتم: "الدولة بردو مشكورة ودا دورها قدرت أن في السلع الأساسية دايما تبقى موجودة أنت عمرك ما وقفت طابور على رز أو سكر؛ انما في السوق الحر نغمة أهو متوفر أهو أدفع بقي لا؛ بما أن الدولة دفعت الدولة دفعت أرقام صعبة جدا في مدة قصيرة وإن شاء الله نفسنا هذا الأمر يبتدي يسمع".
