أحمد موسى يعلق على انقطاع المياه عن أكتوبر والشيخ زايد

علق الإعلامي أحمد موسى؛ على انقطاع المياه عن مدينتي السادس من أكتوبر والشيخ زايد بعد عطل مفاجئ في خط المياه الرئيسي والذي يمد المدينتين بالمياه.

وقال موسى خلال برنامج "على مسؤوليتي" المذاع على قناة "صدى البلد": "عمليات اصلاح ومعدات وعشرات من العمال أكثر من 100 واحد بيشتغلوا؛ الناس معذورة الماية لما تقطع مصيبة في البيوت؛ أمبارح باليل الناس كانت فاكرة الماية هنقطع ساعة أو اتنين ولكن على أخر النهار الماية مجاتش".

وأضاف: "في ناس راحوا نوادي وناس استغلوا أزمة الماية وغلوا سعر الماية؛ كرتونة الماية اللي سعرها بكام بقي بكام؛ وبدأوا يبعتوا عربيات ماية أكنها مناطق عشوائية ومشهد لا يمكن وأنا بكلمكم عن الشيخ زايد ومدينة ستة أكتوبر".

وتابع: "معقولة نقف الوقفة دي عشان ناخد الماية كدة؛ ولما سالت عرفت أن الموضوع كبير وفوق تخيل أي حد؛ قالك ماسورة الماية ارتفاعها كام متر والخط متهالك بقاله سنوات طويلة".

وواصل: "معقول المشهد دة ياجماعة؟ الماية بدأت تعود تدريجيا الأن وستعود بالكامل وشركة المياه أصدرت بيان قبل قليل بيعتذروا عن الناس وبيتكلموا عن اللي حصل والماية خلال ساعات هتكون وصلت إلى كل البيوت بعد اصلاح العطل المفاجئ اللي أدي لمشاكل كبيرة للمواطنين وأعداد كبيرة جدا وناس واقفة على العربيات".

وأوضح: "الماية بدأت تعود تدريجيا؛ الخط الرئيسي اللي بيوصل الماية إلى الشيخ زايد وأكتوبر كان فيه عطل ولما كنت بسأل عن التأخير قالوا لو معملناش الموضوع وخد وقته ممكن المشكلة تكون أكبر؛ الناس طبعا في الأحياء المختلفة بتدور على الماية".

وأكمل: "الماية تتقطع نص ساعة محدش يقدر أبدا في أي بيت وبعض المحلات استغلوا وغلوا أسعار المياه على الأهالي اللي محتاجين يشربوا في حياة للناس والماية حياة كل واحد فينا".

وختتم: "المهندس عبد المطلب ممدوح نائب رئيس هيئة المجتمعات العمرانية شرح التفاصيل في بيان؛ في الأول بيقول بعتذر للمواطنين عن تأخر الإصلاح وأن العاملون والمسؤولون لم يتركوا موقع العمل إلا بعد التأكد من عودة المياه للشبكة؛ البيان دة اتعمل بعد ما أتأكدوا أن الماية هتعود تباعا؛ هما صلحوا العطل والماية هترجع ليكم كلكم إن شاء الله هذه الليلة".