شيرين عن حفل الكويت: "مكنتش عارفة إني واحشة الناس أوي كده"
عبرت الفنانة شيرين عبد الوهاب؛ عن سعادتها بالحفل التي أقامته أمس في دولة الكويت، موضحة أنها كانت سعيدة بالحضور الجماهيري الكبير.
وقالت عبد الوهاب في مداخلة هاتفية مع برنامج "الحكاية" المذاع على قناة "أم بي سي مصر": "كنت حاسة بخوف شديد وقلق ولكن كنت عارفة أن في جمهور ذواق مستنيني والناس في الكويت ذوق جدا وأنا مكنتش فاكرة أني وحشاهم أوي كدة".
وأضافت: "هما كان نفسهم يسمعوا وأنا نزلت شغلي وبحضر لحاجات حلوة تسعد الناس والحفلة دي كانت أول حاجة فيها".
وتابعت: "أنا أمبارح كنت بغني من طبقات عمري ما غنيت بيها قبل كدة وصوتي كان مفتوح أوي؛ انبسطت وفي حد يبغي قدام جمهور بيفهم وزواق وبيقدر الفن وهبقي مش سعيدة".
وواصلت: "صحتي كويسة الحمد لله والوقت بين شغلي والرياضة والاهتمام بالبنات وهيكون في شكل وتحضيرات لحاجات تسعد الناس؛ الناس كانت جميلة وهم أسعدوني وأنا حاسة أنها كانت حفله فوق الخيال".
