"مفيش إلغاء".. أحمد موسى يكشف عن المشروعات التي ستؤجلها الحكومة
أكد الإعلامي أحمد موسى؛ أن قرار مجلس الوزراء اليوم بتأجيل المشروعات التي لم يتم البدء فيها والتي تحتوي على مكون دولاري ليس له علاقة بالمشروعات القائمة حاليا والتي بدأ العمل فيها.
وقال موسى خلال برنامج "على مسؤوليتي" المذاع على قناة "صدى البلد": "تطور وهشرحه عشان مهم عشان محدش ياخده في سكة أخرى؛ عندنا قرار من مجلس الوزراء بترشيد الإنفاق وكان واحد من القرارات المهمة ترشيد كبير بيحدث ومن الحاجات الأساسية تأجيل تنفيذ أي مشروعات".
وأضاف: "تضمنت الضوابط تأجيل تنفيذ أي مشروعات لم يتم البدء في تنفيذها ولها مكون دولاري واضح؛ يعني لو في مشروع مبدأناش في تنفيذه وفي دولارت بجيب حاجته من برة استيراد يعني هنأجله؛ مش المشروعات القائمة ولكن المشروعات التي لم يتم تنفيذها".
وتابع: "مثلا بنتكلم عن مشروع ما والدولة كانت مخططة تعمله في المنطقة الفلانية؛ هذا المشروع جزء من مكوناته بالدولار سيؤجل ولكن مش هيتم إلغائه؛ طيب في مشروعات قائمة دلوقت ويتم تنفيذها هتتوقف؟ لا طبعا؛ في فارق بين مشروعات يتم تنفيذها ومشروعات لم يتم تنفيذها".
وواصل: "المشروعات اللي يتم تنفيذها شغالة مش هتتوقف؛ ده كلام السيد الرئيس شخصيا ولكن المشروعات التي تحت الدراسة ولسة مبدأناش فيها تؤجل؛ المشروعات اللي شغالة النهاردة هنوقفها؟ لا فيها حاجات كانت مكون أجنبي وكذا النهاردة بدأت استغني وأعمل مكون محلي وأقلل فاتورة الاستيراد عشان كدة حياة كريمة فيها جزء من ده وعشان كدة اتأخرت المرحلة الأولى لأن في حاجات كان فيها مكون أجنبي ودولار كان لازم نعمل جزء منها محلي".
وأكمل: "لاغينا حياة كريمة لا؛ هتتلغي لا؛ مفيش إلغاء للمشروعات القائمة قولا واحدا؛ مرات رئيس الجمهورية قال كدة ورئيس الوزراء قال كدة ازاي أوقف مشروع شغال وفاتح بيوت ناس؟ اللي شغالين فيه هنكمله واللي تحت الدراسة هنأجله مش هيحصل حاجة خالص".
وأوضح: "الدولة شايفة وعندها الخطة وقدامها الموضوع؛ ايه الموضوع فين؟ الدولة والوضع صعب جدا على الكل وتاني لا الغاء لمشروعات قائمة".
واختتم: "الكلام واضح والقرار واضح عشان محدش يطلع يضحك عليك ويقولك شوفتوا المشروعات؛ وبالمناسبة المشروعات دي مأعلنوش عنها ولسة متقالتش؛ لو أنا عندي مشروع عايز أعمله ومفيش فيه مكون دولاري هتعمله؛ المشكلة ايه؟ الدولار والتركيز على اللي ليه مكون دولاري".
