أحمد موسى عن شهادات الـ25%: "الناس هتبقى طوابير على البنوك"

علق الإعلامي أحمد موسى؛ على طرح بنكي مصر والأهلي لشهادات ادخارية جديدة بقيمة 25%، مشيرا إلى أن هذه الأوعية الادخارية الجديدة سوف تساعد في القضاء على السوق الموازية للدولار.

وقال موسى خلال برنامج "على مسؤوليتي" المذاع على قناة "صدى البلد": "لقينا المفاجأة الكبيرة من البنك الأهلي وبنك مصر؛ شهادات بـ 25% ولم يحدث قبل كدة أي شهادات بهذه الفائدة الكبيرة؛ من أسبوعين قلت يوم السبت التالي لاجتماع البتك المركزي أن بنك مصر والبنك الأهلي هيعملوا إجراءات خاصة بأوعية ادخارية جديدة".

وأضاف: "طلع بعض الناس قالوا مش هيحصل؛ واللي قلناه من أسبوعين حصل وعايز أقولكم الدولار طالع ولأول مرة يتجاوز 25 جنيه في البنوك وبالتالي هو حدث مهم".

وتابع: "الشهادات من النهاردة؛ الناس النهاردة تروح تاخد وبكرة تشتري شهادات؛ الشهادة محددة لمدة سنة؛ اشتريت شهادة بـ10 آلاف جنيه تاخد الـ2500 جنيه بعد سنة".

وواصل: "في شهادة أخرى 22.5% عائد شهري؛ في شهادتين واحدة تصرف العائد بتاعها بعد سنة وواحدة تصرف العائد بتاعها بشكل شهري".

وأكمل: "دا هيعمل حاجتين في السوق؛ دا أكبر عائد موجود؛ قبل كدة عملوا شهادات في 2016 شهادات بـ20% جاوزت الـ800 مليار؛ عايز أقولكم رقم الـ25% دة هيكسر الحاجز ليه؟ لأنك قاعد ومستني عائد الـ25% جيالك لحد عندك".

وأوضح: "اللي عنده دولار النهاردة هيروح يكسر الدولار والسوق السوداء هتتهبد من الصبح؛ في ناس هتكسر ودائع؛ المكسب بالنسباله اللي تم طرحه النهاردة؛ ولا تقولي يحصل مضاربات ولا غيره؛ هيبقي في ضغط كبير جدا على بنك مصر والبنك الأهلي؛ أيام شهادة الـ20% كانت الطوابير بتملي الشوارع".

وأكمل: "واللي عنده بقي فلوس في البيت؛ في ناس عندها فلوس في البيوت؛ والشنط دي من الصبح ناس واخدة الشنط ورايحين يشتروا شهادات؛ في ناس النهاردة ممكن تبيع دهب؛ الدهب النهاردة فجأة يطلع فوق وفجأة تلاقيه نزل".

وأطلق البنك الأهلي المصري وبنك مصر شهادات ادخارية جديدة لمدة عام؛ بعائد لم يحدث في تاريخ مصر وتستهدف جذب السيولة المالية من السوق.

وأطلق البنكان الحكوميان نوعين من الشهادات؛ الأول بعائد سنوي 25% يصرف في نهاية مدة الشهادة والثاني عائد شهري 22.5%.