محمود بدر لـ وزير التموين: "كفاية أنعرة لحد كده" (فيديو)

وجه النائب محمود بدر، عضو مجلس النواب عن تنسيقية شباب الأحزاب والسياسيين انتقادات حادة لوزير التموين علي المصيلحي.

وأضاف بدر خلال كلمته في الجلسة العامة اليوم: “لما نحب نختصر رؤية وزارة التموين بخصوص الدعم نرجع لتصريح سيادة الوزير لما قال الناس عايزة زيت بيور.. أنت جاي تاخد دعم وتتأنعر.. هذا التصريح  قاله الوزير علشان المواطن بيطلب حقه في سلعة نضيفة".

وتابع النائب: "زي ما تطلب مننا ضبط انفعالتنا نرجو أن الحكومة تضبط تصريحاتها، كل وزير ما ينفعش يتأنعر على الشعب المصري، كل وزير بياخد مرتبه من ضرائب الشعب المصري ما ينفعش يتأنعر على الشعب".

وأشار بدر إلى أن "هناك مواطن شالوا مراته من بطاقة التموين من سنة 2018، بحجة إنها متوفية لحد النهاردة  المواطن ده بيحاول يثبت إن مراته لسه عايشه".

وختم بدر بالقول: "عايزين موظفين يشتغلوا بجد يشوفوا الأسعار بجد ما يقعدوش يتأنعروا على المواطن المصري، كفاية أنعرة لحد كده".