أحمد موسى يوضح التخفيضات الجديدة في أسعار السلع

عبر الإعلامي أحمد موسى؛ عن استيائه من عودة أسعار الأعلاف إلى الارتفاع على الرغم من تحركات الدولة الأخيرة والإفراج عن كميات كبيرة من الأعلاف.

وقال موسى برنامج "صالة التحرير" المذاع على قناة "صدى البلد": "الدولة بتعمل كل الإجراءات عشان تخفض الأسعار النهاردة ألاقي الأعلاف بتزيد؛ الدولة أفرجت وحضرتك بتاخد بسعر البنك المركزي؛ النهاردة في ارتفاع في أسعار الصويا والذرة الصفراء".

وأضاف: "الصويا النهاردة سعره وصل إلى 29 ألف جنيه وكان امبارح وأول 25 ألف؛ الذرة وصل النهاردة 13 ألف جنيه و500 للطن أول امبارح كان 11 ألف و500 جنيه".

وتابع: "سعر الصويا العالمي 710 دولار للطن في حدود 17 ألف جنيه لما تحسبها؛ تبيع بـ29 ألف ليه؟ ايه المكاسب دي؟ دا معناه ايه؟ معناه أن المنتج والمزارع بياخده بالغالي فسعر الفرخة تزيد وتخلي المنتجين يخرجوا من المجال لأن التكاليف غالية والدولة النهاردة بتقوم بالافراج عن مستلزمات الإنتاج وتروح لست سبعة تجار يقعدوا يغلوا الأسعار والمواطن يدفع في الاخر التمن".

وواصل: "احنا محتاجين 4 مليون فرخة النهاردة في اليوم والإنتاج بتاعنا كام 2-2.5 مليون فرخة ودا هيخليك تستورد بالدولار؛ كيلو الفراخ النهاردة بـ 49 هيروح للمستهلك بكام؟ بسبب أن بعض الناس بيزودوا أسعار على مزاجهم محدش يقولي سوق حر".

وأوضح: "أنت محتاج النهاردة إجراءات ردع لمواجهة أي حد بيغلي أسعار بالطريق دي؛ الأسعار زادت النهاردة وفي الاخر يتحمل المواطن التكاليف".

وأكمل: "اتحاد الغرف التجارية بيتكلم عن أسعار بعض السلع انخفضت عن الفول والزيت؛ عنده انخفاضات حصلت ما بين 25-30% وعملوا بيان النهاردة بيتكلموا عن انخفاضات في أسعار بعض السلع الغذائية".

وواصل: "كبار المنتجين عندهم خصومات 30% وفي خصومات على الزيت والسمن وفي بعض الحاجات 20-25% حسب النوع؛ قالك كبار المنتجين عندهم خصومات 30% وفي الزيت والسمن 21% و27% الفول و25% السمك و20% الشاي".

واختتم: "مش هتكلم على الافراج عن قطع غيار؛ عندي الزيت والسمنة والسكر وأكل الناس؛ على الجانب الأخر بعض الناس بيكلموني أن عربيات الميكروباصات عشان شغلهم كتير كان بيغير كوتش العربية على 40 ألف كيلو؛ النهاردة بيمشي على 50-60 ألف كيلو".