نشأت الديهي يهاجم جهاز حماية المستهلك: "مش شايف دورك في الشارع"
أكد الإعلامي نشأت الديهي، أن جهاز حماية المستهلك المسؤول عن حماية المواطنين من ارتفاع الأسعار، معقبا: “مش شايف دورك في الشارع، أنا فعلا حزين أنه مفيش تواصل بين بعض الناس والإعلام، أحنا علينا دور واجب أني أنقل عشان المشاهد يقف على حقيقة الأمر”.
وقال الديهي خلال برنامج "بالورقة والقلم" المذاع على قناة "تن": "أنا بقولك النهاردة حصل أيه في بلدك، النهاردة الرئيس السيسي اجتمع مع وزير التموين، ورئيس الوزراء وناقش توفير السلع الغذائية والأسعار، الرئيس على طول بيتكلم عن الأسعار والإعلام مراية الحكومة".
وتابع: "مينفعش مسؤول في جهاز ميتواصلش مع الإعلام، والأخبار بتقول حماية المستهلك هيعقد مؤتمر مهم بشأن الأسعار العادلة للسلع المفروض كل يوم يكون في مؤتمر ويدي للناس نفس أنا مش قصدي أني أقلل من شأن أحد كله بيشتغل ولكن أحنا بننبه بعض".
وأوضح: "المواطن عندما يشعر أن الدولة موجودة والسعر بيتحدد هيشعر بالاطمئنان ومن ثم هيشعر بالرضا، كل يوم في مجهود بيبذل هل بيصل للمواطن؟ الإجابة لا، احنا محتاجين يكون في نظام للتواصل".
وأكمل: "الدكتور إبراهيم عشماوي مساعد وزير التموين لما بقعد قدامه بيديني أرقام الراجل مذاكر ملفه ومش بيتأخر وبيعتبر نفسه رجل دولة في أي مكان بيشتغل ولكن واحد تاني يقولك أصل أنا عندي برد وواحد عندي غداء عمل".
