مصطفى بكري يطالب بإجراء حركة المحافظين: التغيير في صالح البلد
طالب الإعلامي مصطفى بكري؛ الحكومة بالتسريع في اجراء حركة المحافظين مشيرا إلى أنه يجب إقصاء كل من لا يؤدي دوره واستبدال من أدوا أدوارهم.
وقال بكري خلال برنامج "حقائق وأسرار" المذاع على قناة "صدى البلد": "حديثنا عن الأوضاع الاقتصادية ملئ بالشجون؛ الناس تعاني معناه كبيرة جدا من جراء زيادة الأسعار؛ الأسعار تزيد بشكل غير متصور؛ أنا بسأل الناس الغلابة هيروحوا فين ولكن بالتأكيد في أوضاع داخلية تحتاج إلى إعادة الترتيب؛ اليوم في قرارات أن فلان يمشي أو غيره؛ احنا بالفعل محتاجين تغيير في كل حد مبشتغلش أو استنفذ دوره".
وأضاف: "التغيير بالتأكيد في مصلحة البلد؛ والقيادة السياسية بما لديها من مشروع وطني من المؤكد أن أي حد مقصر هيتم دا بالتأكيد؛ حركة المحافظين لغاية النهاردة محصلتش؛ نتمنى بالفعل الأيام القادمة نرى حركة محافظين وأي حد مقصر يروح ومش بالضرورة أي حد مقصر يكون مش كويس ممكن يكون قد أدى دوره بشكل كويس لكن المرحلة مش مرحلته".
وتابع: "النهاردة القرار اللي اتحاد ضد رئيس الهيئة العامة للاستثمار هو استبدال من دور إلى دور خد فترة ممكن غيره يقوم بالدور وممكن يكون في رؤية أوضح".
وأكمل: "الناس مشغولة بقضية الدولار والأسعار؛ للأسف الدولار تحول إلى سلعة يباع ويشتري فيه؛ سلعة الناس بتدور عليها ولا هدف للجميع إلا الحصول عليها؛ سعر الدولار في مواقف سياسية بتتحكم في الأمر؛ وعندنا بعض زملائنا الإعلاميين برجوهم يتوقفوا عن الحديث عن الدولار".
وأوضح: "لما تطلع تقولي الدولار هيبقي النهاردة بـ 28 أو بـ30 أو 35 أنت بتحرك السوق السوداء نبعد عن المسائل دي لو في تصريح رسمي عن البنك المركزي نخده؛ تجار السوق السوداء موجودين وبيلعبوا دور سيء؛ الدولة بتحاول توفر الدولار وتحافظ على العملة الصعبة".
واختتم: "مفيش أمام الدولة غير أنها تشجع الصادرات وتقدم حوافز كاملة للمصدرين وعلى الدولة أن تعتبر قضية التصدير قضية أساسية؛ الرئيس السيسي قال إننا عايزين نصدر بـ100 مليار دولار على الأقل؛ لما يبقي عندك أموال بتيجي من برة دا بيدي قدر من الثقة ولما يبقى عندي ميزات نسبية تساعدني أن يبقي عندي عملة صعبة دا بيدي مزيد من الثقة".
