أنغام تكشف تطورات حالتها الصحية: "مجهدة شوية"

كشف الفنانة أنغام؛ تطورات حالتها الصحية بعد أن عانت من وعكة صحية نقلت على أثرها إلى المستشفى لأجراء جراحة.

وقالت أنغام في مداخلة هاتفية مع برنامج "الحكاية" المذاع على قناة "أم بي سي مصر": "كان في دعوات كتير وصلوات وحب والواحد في وقت المحنة بيشوف القلوب الحلوة والدعوات بتعرف قيمتك عند الناس ايه وبتلمس حب مكنتش تعرف أنه موجود".

وأضافت: "بشكر ربنا وبشكر كل الناس واللي دعولي وصلولي والأمهات الحلوة اللي دعولي وعايزة أشكر الناس اللي زارتني في المستشفى وفي ناس كانت بتزورني كل يوم وأشكر أهلي وأخواتي وأولادي وأمي وكل الناس".

وتابعت: "أنا في مرحلة التعافي حاليا وأنا مجهدة شوية أن العملية الفتح الجراحي اللي حصل وبعدين حصل التصاق الأمعاء ودي خدت فترة أكبر من فترة العملية وجسمي بيتعافي شوية بشوية والي فهمته أن أي شخص بيفتح بطنه بجراحة ممكن يتعرض للالتصاق الأمعاء سواء ستات أو رجالة أو أطفال وربنا ما يكتبها على حد أنه يحصله المضاعفات دي ودي نسبتها كبير 20%".

وواصلت: "انا كنت ممنوعة من الأكل والشرب وسمحولي بالأكل والشرب دلوقت وبعدين بالأكل الخفيف جدا وبعدين قالولي كلي وبيتعاملوا مع الأمعاء كأني لسة بتولد ولازم أتمشي كتير عشان ميحصلش أن الأمعاء ترتخي تاني".

وأكملت: "الموضوع الأول استلزم الجراحة وأنا مكنتش أهملت ورحت للدكتور وقالي عندي مشكلة ولازم اتعامل معاها؛ بعد ما عملت العملية الجراحية كان عندي أمل أن أقدر أغني وأنا قاعدة حتى أنا بحب اللي بعمله ومش بعمل حاجة جبر".

وأوضحت: "دي إرادة ربنا أنا حاولت على قد ما قدرت أنا بتوكل على الله ودايما القرأن شغال في أوضتي وبستعين بالله دايما ومعنديش الفكر بتاع ألحقوني من الحسد وبتاع وفي إرادة ربنا في الأخر؛ إن شاء الله أكون على المسرح قبل أقل من شهر لأن أنا عندي حفلة في الكويت يوم 26 الجاري".

واختتمت: "ربنا يحفظكم جميعا وأشكركم كلكم على كل الكلام الحلو والدعاء والحب وكنت حاسة أن ربنا بيستجيب للقلوب الحلوة اللي بتدعي وكل دقيقة وكل ثانية كان بيوصلني دعاء الجمهور وأشكرهم كلهم".