أحمد موسى: انضمام الإخوان إلى الكليات العسكرية والشرطة «مستحيل»

أكد الإعلامي أحمد موسى أن التحاق أعضاء جماعة الإخوان الإرهابية بالكليات العسكرية والشرطة أمر غير وارد ومستحيل، مشيرا إلى أن الأجهزة المعنية تتحقق جيدا من الطلاب قبل الموافقة على ضمهم لهذه الكليات.

وقال موسى خلال برنامج "على مسؤوليتي" المذاع على قناة "صدى البلد": "الأمن الوطني بيكشف والمخابرات العامة بتكشف والمخابرات الحربية بتكشف والكسب غير المشروع؛ جميع الأجهزة الرقابية بتكشف عن الطلبة اللي بيدخلوا الكليات العسكرية والشرطة وأي حد داخل الكليات العسكرية والشرطة مينفعش عشرين جد يكون إخواني أو ليه علاقة بالإخوان أو متعاطف مع الإخوان".

وأضاف: "ولو اكتشفوا بعد كده بيمشي؛ دا بيبقي في وظيفة وبيطلع قرار جمهوري يفصله أو نقله وبتشوفوا قرارات بتطلع من الرئيس؛ صدر قرار جمهوري بنقله من الجهة الفلانية، الموضوع واضح غير مسموح أبدا ولو كان في الخدمة وتم اكتشافه بيبقي مع السلامة برة دي أجهزة لازم تكون وطنية ومينفعش يبقي فيها عناصر اخوانية".

واختتم: "الرئيس بعد ما تولى الحكم ضاف حاجات كتير أوي اتعملت في كشوف هيئات الشرطة والكليات العسكرية للأفضل؛ وضافوا حاجات كتير في التدريس وكشف الهيئة عشان تاخد أفضل عناصر هيبقي عندك 22 ألف بتاخد منهم ألفين دا في ناس بتاخد الدرجات العليا ورايح يدخل شرطة أو فنية عسكرية أو حربية أو طب عسكري".