"خلص في 3 ساعات".. طوابير حجز سيارات "بي إم دبليو" تثير جدلا على السوشيال ميديا
أثارت صور طوابير عدد من المواطنين، أمام صالتي عرض "بي إم دابليو" و"ميني" بالقطامية لحجز الموديلات الجديدة جدلا واسعا خلال الساعات الماضية على السوشيال ميديا.
قال أحد رواد “فيسبوك”: "دي طوابير حجز سيارات BMW فرع القطامية.. لاحظ إن بداية السعر مليون و119000 جنيه.. دي الصورة اللي بتوصل.. والناس دي عاوزة بنزين مدعم وغاز مدعم وتموين ورز وسكر وزيت.. طيب حط نفسك مكان صناع القرار لما دي طوابير الحجز في بي ام دبليو".
وكتب آخر: “توكيل سيارات بي إم دبليو قفل في مصر من سنتين.. ولحد من شهر فات مكنش في توكيل يبيع سيارات بي إم في مصر.. لحد ما أعلن وكيل بي إم دبليو في الكويت إنه هياخد توكيل بي إم دبليو في مصر وهيرجع العلامة لمصر تاني باستثمارات ١٠٠ مليون دولار.. وأعلن فتح باب الحجز على السيارات ابتداء من يوم ٣ ديسمبر ٢٠٢٢.. وفعلًا النهارده الصبح اتفتح الحجز لكن المفاجأة بقى إن قبل الساعة ٣ كان الحجز اتقفل تاني.. وتم حجز جميع السيارات المتاحة لدى التوكيل في نص يوم وناس كتير راحت ورجعت ملحقتش تحجز”.
يذكر سيارات “بي إم دبليو” تتراوح أسعار سيارات بي إم دابليو الجديدة من 995 ألف جنيه إلى 6 مليون و650 ألف جنيه.
بينما تتراوح أسعار سيارات ميني الجديدة من 790 ألف جنيه إلى مليون و298 ألف جنيه.
