عمرو أديب عن إلهاء الشعب: الواقع أقوى من كل شيء
علق الإعلامي عمرو أديب؛ على ادعاءات الإعلام التابع لجماعة الإخوان الإرهابية بأن الحكومة تقوم بافتعال أحداث من أجل إلهاء الشعب المصري عن الأزمات.
وقال أديب خلال برنامج "الحكاية" المذاع على قناة "أم بي سي مصر": "الواقع اللي إحنا فيه أقوى من أي شيء؛ الناس برة كلها ياجماعة بتفكر في الحل؛ في ناس فوق قوي بتفكر في الحرب تنتهي إزاي وناس في مستوى أقل بتفكر في الناس تعيش ازاي".
وأضاف: "ملقتش حد كتب للناس مرة يوفر ازاي في الماية أو الكهرباء يقولك بيعملك مش عارف إيه عشان متخدش بالك؛ مين مبياخدش باله من فاتورة الكهرباء دا الحقائق القليلة اللي واضحة زي الشمس الناس دلوقت لما فاتورة الكهرباء يبقي داخل عليه تسأله كام والكلمة التانية أيه".
وتابع: "هي لو ملهية بقي هتقوله استني أصل أنا متابعة الفنانة بتاعتي عايزة أعرف عاملة كام عملية في وشها؛ الهاء إيه حقا وصدقا وتلقى واحد بيقولك الدولة عاملة؛ دولة أيه الدولة عندها مصايب".
وأوضح: "نركز شوية؛ أزمة عالمية محلية ليها ردود أفعال واضحة حواليك فاتورة ماية عاملة ازاي وكهربا عاملة ازاي مش أنت بس العالم كله حواليك إلا الناس اللي مديها ربنا ثروات؛ أرجوكم فكروا شوية وأنا على فكرة مش من النوع بتاع أصلة مش عارف مين برة؛ اللي قاعدين برة دول واكل شارب نايم".
وأكمل: "لساني دلدل أسالهم بتوع برة دول مين اللي دافع الإيجار مين اللي بيعمله شعره بيجوديه دول هما دول اللي عارفين أن هناك الهاء الالهاء دة يبقي لشعب معندوش مشاكل زي الشعب المصري ودا تقليل من شأن الناس أن أنت فاكر أن المرأة المصرية اللي فاتحة بيتها كل يوم الست دي مش هبلة ولا يتاكل بعقلها حلاوة ولا لما تجبلها مين لأن فيها اللي مكفيها".
واختتم: "جايز تتسلى خمس دقائق أو تسمع حد في التلفزيون خمس دقائق أنما وهي نايمة بتفكر تاني يوم هتقوم العيال ازاي وتصحي العيال عشان المدارس هو دة نضال الشعب المصري أنا شفت المرأة المصرية بتعمل اللي ما يتعمل؛ كل دة إلهاء؟ إلهاء مين خفوا شوية يا جماعة ركزوا".
