أحمد موسى يشيد بتعديلات قانون الاتصالات: يحمي المواطن والأمن القومي

أشاد الإعلامي أحمد موسى؛ بالتعديلات التي ناقشها مجلس النواب على قانون الاتصالات مشيرا إلى أن الهدف من هذه التعديلات هو حماية المواطنين.

وقال موسى خلال برنامج "على مسؤوليتي" المذاع على قناة "صدى البلد": "النهاردة المجلس كان بيناقش تعديلات على قانون الاتصالات وتتعلق بالأمن القومي؛ في ناس وهما راجعين كدة تلاقيهم جايبين أجهزة معينة أو يركب على بيته أجهزة معينة".

وأضاف: "النهاردة حصل مناقشات في هذا الأمر داخل المجلس؛ تعديلات تهمنا كمواطنين وكأمن قومي مينفعش حد يجبلك جهاز كدة من برة يقولك أنا هركب الجهاز دة".

وتابع: "في 2012 خلال حجم جماعة الإخوان الإرهابية في المقطم في مكتب الإرشاد؛ الإرهابي خيرت الشاطر جابوا أجهزة من برة وركبوها؛ كانت أجهزة تجسس على مؤسسات البلد وعلى ناس بعينهم والموضوع جايز الناس نسيته لكن أنا لا وقت مكتب الإرشاد يتجسس على البلد والمواطنين ولا الإخوان ردوا ولا حد رد".

وأوضح: "في ثورة 20 يونيو أول حاجة اتعملت كان المواطنين راحوا ولعوا في مكتب الإرهاب وفي مواطنين راحوا خدوا الأجهزة دي؛ الفترة اللي فاتت في المطار أو الجمارك بيمسكوا ناس اللي جايب طيارة درون أو جهاز شكله ايه وممكن تلاقي حد قدام بيتك مركب حاجة تصورك أو تتصنت عليك".

وأكمل: "مش أي حد عايز يعمل أي حاجة يعملها وفي الاخر يتعمل ضوابط قانونية؛ عندك الجهاز القومي اللي بينظم الاتصالات الموضوع ملوش علاقة بتليفونك أو بيتك النهاردة الفضاء الالكتروني يتساب سداح مداح؟ مع التطور دة لازم أحمي مصر وأمنها ومواطنيها".

وواصل: "مجلس النواب شددوا العقوبات على كل من يستورد أو يجمع أو يركب أو يسوق معدة من معدات الاتصالات دون الحصول على تصريح وعاقبت كل من قام بحيازة أو تشغيل أو تركيب وتشديد العقوبات إذا مكان التركيب يخالف القانون ويمس الأمن القومي".

وذكر: "اللجنة واقفت على التعديلات لحماية المواطنين من الاستخدام السيء لهذه الأجهزة وفي بلاغات كتير تلاقي حد صورك أو سجلك حاجة؛ مينفعش حد يعمل الكلام دة وفي ناس بترتكب جرائم ليل ونهار وبيحاسبوا؛ مش بتلاقي حد بياخد فيديو ويركب أصوات ما دة مجرم".

واختتم: "إساءة استخدام التكنولوجيا مجرم قانونا؛ لازم تحافظ على دة أنت هناك تحمي الأمن القومي وحرمة الحياة الخاصة للمواطنين".