أحمد موسى يكشف كواليس خلافات «الإخوان» الإرهابية بعد وفاة إبراهيم منير
أكد الإعلامي أحمد موسى، أن جماعة الإخوان الإرهابية دخلت في خلافات حادة بعد وفاة إبراهيم منير القائم بأعمال المرشد، مشيرا إلى أنهم بدأوا في تخوين بعضهم البعض.
وقال موسى خلال برنامج "على مسؤوليتي" المذاع على قناة "صدى البلد": "اسمعوا الخناقة والمعركة عشان الخناقة مهمة أوي، الإخوان عاملين خناقة مع بعض، بيقولوا على محمود حسين خائن وبيرددوا كلامنا واحنا على حق لما بنقول عليهم خونة".
وأضاف: "أسامة العشري عضو في التنظيم بيقول على محمود حسين لقد أصبح الخائن هو المرشد وأنا قلت أنه محمود حسين قتل وصفي واغتال محمود حسين وأنا قلتلهم يومها شرحوه متدفنوهوش وأعرفوا اتقل ازاي الاخوان رفعوا السلاح على بعض وبيقتلوا في بعض".
وتابع: "المعركة حامية تنظيم الإخوان بقي جثث وادفن خلاص، النهاردة معندكش قيادة وإذا كنت فاكر أن في جماعة انا بقولك أخلع وأجرى وعلى الأقل توبوا إلى الله ولا في جماعة ولا تنظيم النهاردة في سبوبة".
وواصل: "الشعب المصري أدالكم على دماغكم في 30 يونيو وفي 11-11 ولا جماعة ولا تنظيم ولا قيادة ولا حد موجود وموجود مجرد أبواق إعلامية قذرة تتلقى تمويل ومجرد مجموعة من اللجان الالكترونية اللي بتقبض ولا عنده جماعة ولا تنظيم ولا حد بيسمعه ولا بيستجيب ليه".
وأوضح: "دول أبواق الصرف الصحي دول قاذورات وخونة ومجموعة من القاذورات، عفن ونتانة وخيانة وكلة قاعد ياخد فلوس عشان يستفيدوا ومفيش جماعة أصلا وكله التناحر الموجود، النهاردة اتوزعوا في 10-15 حتة والجماعة بقت شوية مطاريد مجموعة من الاجراء يعملوا بالأجر من أجل هدم مصر".
وأكمل: "بيخدوا فيديو من هنا ويتكلموا شوية عننا، وفي النهاية بياخدوا تمويل هائل وهما انتهوا، كلهم مجموعة مجرمين ولصوص وبيقبضوا كله تمويل، في الأخر التمويل في جيوبهم والجماعة اندفنت وقيادات الجماعة ماتوا، جزء من الجماعة طلعوا وقالوا محمود حسين مش المرشد بتاعنا احنا عندنا واحد تاني ملناش علاقة بمحمود حسين وأدي الحكاية اللي حاصلة بينهم دلوقتي".
واختتم: "الجماعة بتقول إن الإرهابي محيي الزايط عميل المخابرات الإنجليزية هو مرشد الجماعة وقالوا إنه هو المسؤول مش محمود حسين، انت النهاردة قدام جماعة تركيا وجماعة لندن، جماعة تركيا بتتكلم عن محمود حسين وجماعة لندن بتتكلم عن محيي الزايط ودول عندهم تمويل ودول عندهم تمويل".
