تفاصيل عودة شيرين عبدالوهاب لحسام حبيب
يبحث الكثير من متابعي أخبار الفن والفنانين عن تفاصيل عودة شيرين عبدالوهاب لحسام حبيب، والتي سيطرت على جميع أخبار التريند عبر منصات التواصل الاجتماعي ومحركات البحث منذ إعلان انفصالهما.
تفاصيل عودة شيرين عبدالوهاب لحسام حبيب
وفي مداخلة هاتفية في برنامج “الحكاية”، الذي يقدمه الإعلامي عمرو أديب على شاشة mbc مصر، خرجت الفنانة شيرين عبد الوهاب عن صمتها بعد أزمتها الأخيرة، لتؤكد عودتها للفنان حسام حبيب رسميًا، وعقد قرانهما يوم الخميس الماضي، بحضور عدد من المقربين لهما فقط.
وأكدت شيرين عبد الوهاب، "أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن، وحياتنا لما تبقى مفتوحة على الناس، هو اللي بيكبر المواضيع، والسوشيال ميديا، والناس اللي بتقول كلام متعرفوش".
وأضافت"بطمن الناس عليّ وعايزة استغل الفرصة دي وأقول أني بعتذر لحسام عن كلام صدر مني في يوم من الأيام، وأنا الآن في عصمة رجل طيب جدًا ولو كنت قولت كلام عنه فهو كان مزعلني فدا شيطان بيحصل بين المتزوجين، وإحنا كان معمول لنا حاجة كبيرة أوي واتفكت الحمدلله".
وتابعت: اتخذنا القرار سريعا بسبب الضغوطات التي تعرضنا لها، وعنواني كان بيبقى كل يوم الصبح موجود في أي مكان، حسام هو من اقنعني كنا ناويين العودة يوم السبت ولكنه امبارح قالي نعمله انهاردة.
وعلق حسام حبيب على تصريحات شيرين قائلا: "أحنا حياتنا زي اي اتنين متزوجين، أحنا اتكلمنا قبل الرجوع واتفقنا على قوانين وقواعد، وحطينا مشاكلنا وحليناها ووعدنا بعض أن كل واحد فينا يخلي التاني مبسوط بيه، وحياتنا الخاصة لينا احنا بس".
ووجه حسام حبيب رسالة لجمهور شيرين عبد الوهاب الغاضب منه: "أنا كمان بحبها زيكم، وأنا عاذر كل واحد خايف عليها وانا كمان خايف، عشان كدة بقول لكم ادعوا لنا".
وأضاف: "تكلمنا قبل ما نرجع، حطينا قواعد، كل واحد محتاج يركز في حياته، وحياتنا إحنا الاتنين مع بعض تبقى مقفولة علينا، وحطينا كل واحد أهدافه، وإيه اللي كان مضايقة في التاني، قبل ما تحصل المشاكل دي كلها، وعدنا بعض كل واحد فينا هيشرف التاني، يبقى عايز التاني يبقى مبسوط بيه، وفي نفس الوقت حياتنا الخاصة دي لينا إحنا بس، مش لأي حد تاني، وأنا بحبها، أنا عاذر كل واحد خايف عليها، وهي فعلا عدت بأوقات صعبة، وأنا زعلان عليها، ومش هعرف أوضح لكل حد حاجة، وأنا مبحبش أدافع عن نفسي".
وعن الفترة دخول شيرين المستشفى، قالت قضيت أيام صعبة علشان اتاخدت على خوانة، أنا لما صحيت تاني يوم في المستشفى قولت لنفسي أنا قاعدة في مكان آمين وباكل أحسن أكل وبنام أحسن نومة، وقولت لية مستغلش ده في أني أبقى أفضل، والناس كانوا مدلعني وبقيت أحسن.
وأضافت في مداخلتها: "انا كويسة لسه بخضع لعلاجي النفسي اللي بخضعله من ساعة ما خلفت مريم وهنا، انا باين على صوتي اني مش محتاجة حاجة".
ووجهت شيرين الشكر لشقيقها محمد عبد الوهاب، لأنه عرفها على المستشفى "علشان علموني أنام بدري وأصحى بدري".
وكشفت شيرين عبدالوهاب في المداخلة الهاتفية أنها سامحت شقيقها وأوضحت "هتنازل عن اي قضية ضد اخويا، علشان انا بسامح كل الناس وبخف كده، انا مش هرضى أن امي ترضى تنام معيطة على مخدتها بسبب أن ابنها وامها على خلاف".
