أحمد موسى: الشعب منح الرئيس تفويضا جديدا لمواجهة الإخوان
علق الإعلامي أحمد موسى؛ على فشل دعوات جماعة الإخوان الإرهابية للتظاهر اليوم الجمعة، مشيرا إلى أن الشعب المصري لديه وعي كبير ويحافظ على وطنه من التخريب والدمار.
وقال موسى خلال برنامج "على مسؤوليتي" المذاع على قناة "صدى البلد": "الشعب النهاردة بيقول أنا مع بلدي وأنا في ضهر الدولة ولا يمكن أخرب بلدي تاني؛ شعب مصر بيحتفل بنجاح قمة المناخ ودعم للرئيس وللدولة".
وأضاف: "الناس بتحتفل بنجاح قمة المناخ وشيعنا الاخوان إلى جهنم وبئس المصري؛ ما قبل 11-11 حاجة وما بعدها حاجة تانية تماما في التعامل مع كل واحد اخواني في مؤسسة وفي أي مكان لا مكان لهم ليسوا منا وليسوا مصريين".
وتابع: "الشعب العظيم أهو رايات الانتصار بنجاح قمة المناخ ورايات دحر جماعة الإخوان؛ النهاردة حلقة استثنائية عشان عارفين والله العظيم ما كان عندي شك لحظة؛ 11-11 فانكوش عشان عارفين وعي هذا الشعب العظيم وتقدير الشعب للرئيس وللدولة وبيقولوا للاخوان ملعون أبوكم".
وواصل: "اللي عايز يخرب بلدي يستحق لعنات ساعات الليل والنهار؛ النهاردة تفويض جديد للرئيس لمواجهة العنف والإرهاب الإخواني والشعب بيقول للرئيس أدي تفويض جديد النهاردة؛ شوفنا حجم المؤامرة وحجم الدعم وشوفنا الخطة اللي قالوا عليها".
وأكمل: "أنا قررت أروح بنفسي للأماكن اللي قالوا عليها من أول شرق القاهرة خدت طريق السويس ومصر الجديدة وغمرة وكوبري أكتوبر؛ وقفت على كوبري أكتوبر وطلعت هوا على صفحتي في فيسبوك وبعدها رحت ميدان التحرير".
وأوضح: "رحت التحرير ومشيت كوبري قصر النيل؛ والناس أول ما شافتني في ميدان التحرير اللي بيشاور واللي عايز يتصور لحد ما دخلت ميدان الدقي؛ ملقتش كلب إخواني في أي حتة؛ طيب ينزل مية أو ألف أو أي حد يعني؛ مش بيقولوا لينا أتباع والناس بتشوفنا؟ فين أتباعك اللي بيسمعك خروف زيك".
واختتم: "خرفان بيسمعوا خرفان؛ عرفت أن الشعب النهاردة بيديكوا درس مرة أخرى؛ اليوم دفن جماعة الإخوان مرة أخرى؛ واليوم تفويض جديد للرئيس عبد الفتاح السيسي ليواجه الإرهاب الإخواني الإجرامي؛ ما قبل 11-11 حاجة وما بعده حاجة تانية".
