عمرو أديب يعلق على ارتداء طالبات "إسدال" داخل المدرسة
علق الإعلامي عمرو أديب على قيام مدرسة اعدادية في محافظة الدقهلية بإجبار الطالبات على ارتداء "الاسدال" كزي مدرسي.
وقال أديب خلال برنامج "الحكاية" المذاع على قناة "أم بي سي مصر": "أما يكون في مدرسة في مصر الطلبة البنات لابسين لبس مش موجود في الثقافة المصرية ومش هو دة الحجاب اللي بنلبسه مدى على مش عايز أقول بلد يعني".
وأضاف: "شكلها غريب جدا أن طابور الصباح؛ دا شكل مدرسة في مصر ينفع دة يبقى شكل مدرسة في مصر كدة؟ الأسود دا بتاعتنا؟ دول بيتعلموا ايه؟ دول بتطلعهم ايه".
وتابع: "اللي يتحجب يتحجب واللي يلبس يلبس واللي يقلع يقلع؛ لكن ازاي وزارة التربية والتعليم سايبة دة كدة؟ دول بيفكروا ازاي دول بيربوا عيالهم على ايه؟ أنا بتكلم على مدرسة في مصر في الدقهلية ايه يا جماعة؟ ألا أجد فيكم شخصا رشيدا؟".
وأوضح: "انا لا بتكلم في سناتر ولا دروس خصوصية؛ المدرسة دي مين بيقودها وتابعة لمين؟ مدارس مين دي؟ مدرسة يعني نلبس محترم والبنات تلبس متحشمة لكن دة لبس مين؟ أوعلى تقولي دا لبسنا؟ السواد دة بتاع مين؟ دانا مشفتش تعليم لسه أمال في الفصل بتعملوا ايه؟ من أنتم؟".
وأكمل: "8 سنين محدش وقف قدام الموضوع دة؛ المسألة بقت شبه مستحيلة؛ أنت عايز تقلع البنات دي الزي دة؟ الحجاب مش حجاب عقل أنا عايز أعرف مين اللي ابتدا وبيقولك أن الأهلي مبسوطين؛ حد عايز حاجة يعني؟ ".
وواصل: "ياجماعة خلوا الناس عقلها يتنفس أنا مبقولش الحجاب بيمنع العقل انما دي مصر؟ دي مدرسة مصرية؟ دي مدرسة تابعة لوزارة التربية والتعليم؟ المفتشين اللي بيروحوا رأيهم كان ايه؟ أنا لو طنشت أنا مش عايز أمد الخط لأخره وأنا عارف مين اللي هيهاجمني؛ احترام وقار وحشمة لكن دة ايه؟".
وكانت صور تم تداولها لمدرسة في محافظة الدقهلية يرتدي فيها كل الطالبات الاسدال باللون الكحلي وهي الصور التي أثارت جدلا كبيرا على وسائل التواصل الاجتماعي.
وأشارت مصادر إلى أن المدرسة تابعة إلى وزارة التربية والتعليم ويرتدي فيه الطالبات هذا الزي منذ عام 2014 وحتى الأن.
