أحمد موسى يوضح حجم استفادة مصر من قمة المناخ

أكد الإعلامي أحمد موسى؛ أن مصر سوف تستفيد من استضافة قمة المناخ والتي تعقد في شرم الشيخ مشيرا إلى أن الدولة لم تتحمل نفقات إقامة المؤتمر.

وقال موسى خلال برنامج "على مسؤوليتي" المذاع عبر قناة "صدى البلد": "سيحضر المؤتمر 168 دولة و40 ألف مشارك من كل مكان وجميع فنادق شرم الشيخ كاملة العدد والمدين ذكية وتعمل بالطاقة الخضراء وأحيي شباب مصر على العمل".

وأضاف: "أي مشارك ممكن يدخل بتصريح في أقل من دقيقتين والشباب واعد ومن قاموا بالتنظيم سيكون هناك اجتماعات عن المناخ والتمويل؛ مصر مش بتنفق على قمة المناخ في تمويل دولي وشركات رعاية من كل الدولة

وتابع: "شركات وأسماء ماركات عالمية موجودة تصل إلى 58 من الرعاة في مكان واحد مصر كسبانة من المؤتمر سياحة ودعاية أنت عايز مليارات تصرفها عشان حجم الدعاية اللي موجودة في العالم النهاردة ولو دفعت وزارة السياحة 5 مليار دولار مش هتعمل دة".

وواصل: "الرئيس الفرنسي هيجي بكرة ويتلقي بالرئيس يوم الاتنين ومفيش حتة في العالم مبتكلمش عن مصر النهاردة وجميع صحف العالم بتكلم عندنا؛ زعماء العالم لو عندك مشكلة مكانوش هيجي؛ العالم عايز يجي هنا عشان يطلع بقرارات عايزين بدل الـ 100 مليار دولار تريليونات الدولارات".

وأكمل: "أمبارح كان في مظاهرة امبارح من 40 دولة أفريقية بتطالب بالعدالة في التغيرات المناخية؛ الحقونا يا جماعة؛ الدول الافريقية بتدفع التمن من اللي بتعمله الدول الصناعية الكبرى وبيتكلموا عن العدالة والتغيرات المناخية وبيقولوا للدول الكبرى ادفعوا اللي عليكم".

وأوضح: "احنا كعالم عربي ودول أفريقية بندفع تمن ايه؟ اللي قامت بيه الدول الصناعية العشرين النهاردة باكستان شايفين فيها ايه؛ إما يتم انقاذ العالم أو الكل هيدفع التمن؛ المسيرة بتطالب بالعدالة".

وذكر: "الغالبية العظمي من الدول طالبين لقاءات مع السيد الرئيس؛ بتتكلم عن 13 يوم أول لقاء هيكون مع الرئيس الفرنسي ماكرون ولقاء الرئيس مع الرئيس الأمريكي سوف يستغرق 45 دقيقة وهو محدد في جدول الأعمال وتم تحديد كل التفاصيل الخاصة في هذا الاجتماع".

واختتم: "دي تاني زيارة للرئيس الأمريكي جو بايدن إلى شرم الشيخ وكانت اول زيارة في 2009 حين كان نائبا للرئيس السابق باراك أوباما".